ولسمشر اردوغان د پاکستان د تحریک انصاف ګوند مشر ته د بري له امله مبارکي ورکړه
د ترکیې ولسمشر رجب طیب اردوغان د پاکستان د تحریک انصاف ګوند مشر عمران خان ته د جولای د ۲۵ مې په ټولټاکنو کې د بري له امله مبارکي وویله.
د بله پلوه د پاکستان د تحریک انصاف ګوند بیا د ولسمشر رجب طیب اردوغان نه د مننې په خاطر په ترکي ژبه پیغامونه خپاره کړي دي.
د تحریک انصاف ګوند د رسمي ټویټر حساب له لارې په ترکي ژبه په خپرو شوو پیغامونو کې ویل شوي دي چې د ترکیې ولسمشر ښاغلي رجب طیب اردوغان عمران خان ته په ټاکنو کې د بري له امله مبارکي وویله.
پدې ټیلیفوني خبرو کې د ترکیې او پاکستان ترمنځه د اړیکو په لا ودې او پرمختګ خبرې وشوې.
د تحریک انصاف ګوند مشر عمران خان هم د ترکیې د ولسمشر نه د ټیلیفون او مبارکۍ له امله مننه وکړه.
د تحریک انصاف ګوند لخوا په ترکي ژبه خپاره شوي پیغامونه په ټولنیزه مډیا کې د سلګونو تنو لخوا خوښ شوي او د نورو سره شریک شوي دي. په سلګونو تنو بیا د ترکیې سره مینه لرو ځوابونه لیکلي دي.
د یادولو وړ ده چې د پاکستان د تحریک انصاف ګوند د تیرې میاشتې په ټولټاکنو کې لوی بری ترلاسه کړ.
اړوند خبرونه
د تورکیې ولسمشر رجب طیب اردوغان وویل چې د مې د ۱۹ مې روحیه د دې ملت ستره سرمایه ده.
ولسمشر اردوغان د مې د ۱۹ مې د اتاترک د یاد، د ځوانانو او سپورت د ورځې په مناسبت یو پیغام خپور کړ.