د روان میلادي کال په دویمه ربع کې د ترکیې د اقتصادي ودې ارقام معلوم اعلان شول.
د ترکیې اقتصاد د روان کال په دویمه ربع کې د ټولو توقعاتو پر خلاف بې ساری وده کړې ده
ترکیې د احصایې ادارې د روان کال په دویمه ربع کې د ترکیې د اقتصادي ودې ارقام اعلان کړل. د ترکیې د احصایې ادارې لخوا د اعلان شوو ارقامو له مخې د ترکیې اقتصاد د روان کال په دویمه ربع کې د تمو او توقعاتو نه لوړ ۲۱ عشاریه ۷ سلنه وده کړې ده .
د ویلو ده چې د روان کال په لومړۍ ربع کې د ترکیې اقتصاد ۷ سلنه وده کړې وه .
د ترکیې د احصایې ادارې ویلي دي تمه کیږي چې د ۲۰۲۱ کال اقتصادي وده د ۸ سلنې نه لوړه وي.
د هیواد د ناخالص عوایدو جوړونکو فعالیتونو د څیړولو سره د ۲۰۲۱ کال په دویمه ربع کې د تیر کال همدې ربع په مقایسه د خدمت سکتور ۴۵ عشاریه ۸ سلنه ، د صنایع سکتور ۴۰ عشاریه ۵ سلنه، اداري او تشویقي خدماتو سکتور ۳۲ عشاریه ۴ سلنه ، نورو خدماتو فعالیتونو ۳۲ عشاریه ۳ سلنه، د معلوماتو او مخابراتو سکتور ۲۵ عشاریه ۳ سلنه ، عامه ادارې، پوهنې، روغتیا او ټولنیزو خدماتو فعالیتونو ۸ عشاریه ۵ سلنه ، غیرمنقول فعالیتونو ۳ عشاریه ۷ سلنه ، ساختماني سکتور ۳ عشاریه یو سلنه، کرنۍ، مالدارۍ او کبانو سکتور ۲ عشاریه ۳ سلنه وده کړې او د مالي او بیمې فعالیتونو کچې ۲۲ عشاریه ۷ سلنه راټیټه شوې ده .
اړوند خبرونه
د تورکیې اقتصاد تېر کال ۴.۵ سلنه وده کړې وه.
د تورکیې احصایې ادارې د ۲۰۲۳ کال لپاره د ناخالص کورني محصول پایلې اعلان کړې .