په بلغاریا کې د یوې ټرافیکي‌ پيښې له امله ستره فاجعه رامنخته شوه.

په بلغاریا کې د یوې ټرافیکي‌ پيښې له امله ستره فاجعه رامنخته شوه.

د بلغاریا مقاماتو ویلي‌ دي‌ چې د پلازمینې صوفیه لویدیځ لوري‌ کې یو مساپروړونکی بس موټر د کنټرول د لاسه ورکولو نه وروسته د سړک د غاړې د موانعو سره د جنګیدو نه وروسته اور اخیستی دی.

پدې پيښه کې لږ تر لږه ۴۶ تنو ژوند د لاسه ورکړی دی.

بس د شمالي‌ مقدونیا د یو ټرانسپورتي‌ شرکت اړوند دی چې شمالي‌ مقدونیا ته روان وو.

پيښه د پلازمینه صوفیه لویدیځ لوري‌ ته د پرنیک ښار ته نږدې رامنخته شوې ده .

د بلغاریايي سرچینو د خبر له مخې ددې پیښې قربانیان ټول د شمالي‌ مقدونیا وګړي دي.

په پيښه کې ۱۲ تنو ماشومانو په ګډون ۴۶ تنو ژوند د لاسه ورکړی دی. همداشان پدې پيښه کې ۷ تنه ټپیان ژغورل شوي‌ دي‌ چې د تداوۍ په موخه د صوفیه روغتونونو ته استول شوي‌ دي.

دې بس موټر د استانبول نه د شمالي مقدونیا پر لورې حرکت کړی وو چې په بلغاریا کې ټرافیکي پيښه وکړه. د پيښې لامل تر اوسه پورې معلوم ندی.

د بله پلوه تیره شپه د بلغاریا د وارنا په سیمه کې د زړو د پالنې په یو مرکز کې اورلګیدنه رامنځته شوې وه چې په نتیجه کې لږ تر لږه ۹ تنو ژوند د لاسه ورکړی وو.