په هندوستان کې د کرونا ویروس د واکسین د تولید په فابریکه کې اورلګیدنه رامنځته شوې

د ویلو ده چې دا فابریکه د کرونا ویروس د واکسین د تولید تر ټولو ستره فابریکه ده.

دا پيښه د هندوستان په لویدیځ کې د پونا په ښار کې رامنځته شوې ده .

د پونا د ښار ښاروال ویلي دي چې پدې پیښه کې لږ تر لږه ۵ تنو ژوند د لاسه ورکړی دی. د پيښې وژل شوي کسان ددې فابریکې د ساختمان لاندې د برخې کارګران دي.

ویل کیږي  پدې فابریکه  کې د استرازینیکا او اکسفور پوهنتون  لخوا جوړ شوي  د کووید ۱۹ واکسین تولیدیږي.

سیمه ایزو رسنیو ویلي دي چې اورلګیدنه ددې فابریکې په هغه برخه کې چې ساختماني چارو پکې دوام درلود رامنځته شوې ده .

د اورلګیدنې لامل تر اوسه پورې معلوم ندی خو ګمان کیږي چې د ویلډینګ له امله رامنځته شوي وي.

پداسې حال کې چې د شرکت مالکانو د پيښې په اړه د څه ویلو نه ډډه کړې ده خو یو تن چارواکي بیا ویلي دي چې دا اورلګیدنه به ددوې د تولید چارې د خنډ سره مخامخ نکړي.