په لبنان د اسرائیلو په بریدونو کې ۱۶ تنو ژوند د لاسه ورکړی

په تیرو ۲۴ ساعتونو کې د لبنان په سویل  برخو د اسرائیلو د پوځ لخوا په ترسره شوو بریدونو کې ۱۶ تنو ژوند د لاسه ورکړی دی.

د لبنان د رسمي خبري  اژانس د خبر له مخې، د اسرائیلو پوځ د لبنان په سرحدي سیمه ناکوره ښارګوټي کې په یوه کافې خونې باندې توغندیز برید وکړ.

ويل کيږي چې په ناکوره کې په دغه بريد کې لږ تر لږه ٣ تنه وژل شوي او ګڼ شمېر نور ټپيان شوي دي.

د اسرائیلو پوځ ددې سربیره  د طیر حرفه په ښارګوټي کې پر هغه ودانۍ هوايي برید وکړ چې د اسلامي لټون  ټولنې د ملکي خوندیتوب ټیمونه په کې موقعیت لري.

ویل شوي، چې د برید له امله د ملکي خوندیتوب د ډلې ۶ تنه وژل شوي دي.

د اسرائیلو پوځ په حبریه ښارګوټي کې د جماعت الاسلامیه د ډلې پورې اړوند د بیړنیو مرستو په ډله باندې  هم  هوايي برید کړی چې په نتیجه کې ۷ تنو ژوند د لاسه ورکړی دی.