د پاکستان د بلوچستان په ایالت کې چاودنې په لسګونو تنو ته مرګ ژوبله واړوله.

د پاکستان د بلوچستان په ایالت کې چاودنې په لسګونو تنو ته مرګ ژوبله واړوله.

د بلوچستان په پشین سیمه کې د ولسي جرګې د خپلواک نوماند اسفندیار خان کاکړ د دفتر مخې ته ځانمرګی برید شوی دی.

په برید کې ۲۵ تنه وژل شوي او لږ تر لږه ۳۰ تنه ټپیان شوي دي.

ویل شوي چې د برید پر مهال اسفندیار خان کاکړ په خپل دفتر کې نه و.

د دغه ولایت په قلعه سیف الله سیمه کې د اسلامي علماو ګوند د ټولنې پر ودانۍ ځانمرګی برید شوی.

په برید کې ۱۰ تنو ژوند د لاسه ورکړی او ۸ تنه ټپیان شوي دي.

چارواکو ویلي چې د جمعیت علمای اسلام بلوچستان مشر مولانا عبدالواسع د برید نه  ژوندي ژغورل شوی دی.