د پاکستان د پوځ د مشر د دندې موده د ۶ میاشتو لپاره وغځول شوه

د پاکستان سترې محکمې  د پوځ د مشر د دندې د غځولو  پر خلاف په اعتراض غور وکړ. سترې محکمې د سې شنبې په ورځ د قاضي القضات اصف کوسه په مشرۍ  غونډه وکړه  او د پوځ د مشر د دندې  د غځولو  پریکړه يي وځنډوله.

محکمې د حکومت  دا پریکړه  د هیواد د ګټو سره په ټکر کې وبلله او د ځنډولو پریکړه يي وکړه. محکمې ویلي دي چې  د پوځ د مشر د دندې د غځولو  په خاطر د سیمې د امنیتي حالت  لامل ښودل  یوه ګونګه خبره ده.

هغه  ویلي وو چې  لومړی  وزیر  د پوځ د مشر د دندې  غځولو  صلاحیت نلري . دا صلاحیت د ولسمشر  دی. د پاکستان لومړي وزیر  د پوځ د مشر د دندې موده چې  سبا د نوامبر ۲۹ مه نیټه  پایته رسیده  د اګست په میاشت کې  د درو نورو کلونو لپاره وغځوله. هغه ددې خبرې لامل  د سیمې  امنیتي حالات په ګوته کړي وو.

همداشان  سترې محکمې نن  یو ځل بیا  د پوځ د مشر د دندې د غځولو  په اړه یو ځل بیا غور وکړ.

قاضي القضات  وویل  دا چې  ښاغلی  باجوه  یو ډیر  بریالی  قومندان  دی ایا د تل لپاره د هغه د دندې موده غځولی شو؟

کوسه وویل چې  پارلمان  باید  د قانوني  اصلاحاتو د راوستو سره  باید دا ناڅرګندۍ ته د پای ټکی  کیږدي.

هغه وویل چې  مونږ  دا مسئله  پارلمان ته  سپارو چې  د مربوطه قوانینو په رڼا کې  دا  مسئله حل کړي.

د پاکستان د اساسي قانون له مخې  د پوځ مشر  یواځې  د یوې  درې کلنه  دورې لپاره ټاکل کیږي. دا قانون چې په ۱۹۷۲ کال کې تصویب شوی  دی  د تصویب  نه يي راپدیخوا یواځې  یو ځل  د پوځ مشر د دندې موده د حکومت لخوا غځول شوې وه

د پاکستان  د  لوی درستیز د دندې  موده  د ۶ میاشتو لپاره وغځول شوه.