په کابل کې چاودنه شوې
په کابل کې د پولیسو پر موټر چاودنه شوې
1562021
د افغانستان په پلازمینه کابل کې چاودنه وشوه.
د کابل نه د ترلاسه شوي رپوټ له مخې چاودنه د کابل د اتمې امنیتي حوزې په مربوطاتو کې رامنځته شوې ده.
ویل کیږي چاودنه د پولیسو په یو رینجر ډوله موټر د ستانکزي ښارګوټی په سیمه کې شوې ده .
کابل پولیسو ویلي دي چې دا چاودنه د ماسپخین د یوې نیمې بجې په شاوخوا کې رامنځته شوې ده چې په نتیجه کې موټر زیان لیدلی خو له نیکه مرغه چې چاته پکې ځاني زیان ندی اوښتی.
د ویلو ده چې تیره شپه هم د کابل د تایمي د پروژې په سیمه کې چاودنه شوې وه.
عیني شاهدانو ویلي دي چې بم په یوې ګلدانۍ کې ځای په ځای شوی وو.
چاودنې د شاوخوا کورونو شیشې ماتې کړي خو له نیکه مرغه چې چاته ځاني زیان ندی رسولی.
د کابل پولیسو د پیښې پخلی کړی او ویلي دي چې له نیکه مرغه چې پدې پیښه کې چاته ځاني زیان ندی اوښتی.