Түркиянын амфибиялык чабуул кемеси үчүн даярдыктар жүрүп жатат

Инвентаризацияга киргизүү үчүн көп максаттуу амфибиялык чабуул кемеси «TCG Anadolu» үчүн даярдыктар улантылууда.

Улуттук коргоо министрлигинин билдирүүсүнө ылайык, амфибиялык штурм кемесинде машыгуулар өткөрүлдү.

Билдирүүдө, «Амфибиялык Тапшырма тобу командирлигинин ыкчам даярдык окууларынын алкагында биздин десанттык кемелерибиз Амфибия деңиз жөө аскерлер бригадасы жана Кургактык күчтөрүнүн тик учактары менен биргеликте машыгууларды өткөрүштү» делди.

Көп максаттуу Amphibious Assault Ship Anadolu, колдонууга киргизилгенде, зарыл болгон согуштук жана колдоочу унааларды кризистик региондорго негизги базадан пайдаланбастан жеткире алган, коно турган унаалар менен конуу операцияларына катыша турган жана инвентаризациядагы эң оор тик учактарга жана учактарга күнү-түнү иштөөгө мүмкүнчүлүк бере турган учуучу палубага ээ болот.

Кемеде операция бөлмөсү жана оорукана болот жана гуманитардык жардам операцияларында оорукана кемеси катары кызмат кыла алат.

231 метрлик кеме Түрк куралдуу күчтөрүнүн (TКK) инвентарындагы эң ири деңиз платформасы болот.

Кемени 2021-жылы Түрк куралдуу күчтөрүнө тапшыруу пландалууда.