Түркия БУУда терроризм боюнча билдирүү жасады

Түркиянын БУУдагы туруктуу өкүлү, элчи Ахмет Йылдыз, Сириянын келечегинде жикчил террор уюму ПКК/ЙПГ жана жикчил террордук күн тартибине орун жок экенин айтты.

Ахмет Йылдыз Түркиянын БУУдагы туруктуу өкүлү кызматына киришкенден кийин биринчи билдирүүсүн БУУнун Коопсуздук Кеңешинде өткөрүлгөн Сирия сессиясында жасады.

Сириядагы кагылышуунун 14-жылында өлкөдөгү морттук абалдын көз жаздымда калтырылбашы керектигин белгилеген Йылдыз : «Кагылышуунун коопсуздук, экономикалык жана гуманитардык өлчөмдөрү бир убакта жана өз ара байланышта начарлап баратат жана горизонтто эч кандай үмүт шооласы жок»,-деди.

Йылдыз аймактагы кооптуу абалдын күчөшү менен абалдын дагы да татаалдашканына көңүл буруп, Сириянын Жакынкы Чыгыштагы башка кагылышуулар үчүн согуш талаасы катары колдонулууга кооптондурарлык ылайыктуу экенин айтты.

Бардык тараптардын дагы кеңири кагылышууга алып келе турган кадамдардан качуусунун маанилүүлүгүн баса белгилеген Йылдыз: «Сирияны бул коркунучтуу өрттөн алыс кармоо абдан маанилүү»,-деди.

Элчи Йылдыз Сирия жаңжалынын чечилиши үчүн БУУнун Коопсуздук Кеңешинин 2254-резолюциясынын алкагында саясий процессти жандандыруунун мезгили келгенин белгилеп, Сирия жаңжалын токтотуунун жалгыз жолунун чыр-чатактын негизинде жаткан себептерди чечүү аркылуу улуттук ынтымакка жетишүү экенин белгиледи.

Элчи Йылдыз, ПКК/ЙПГ/«SDG» террордук уюмунун Сириянын түндүк-чыгышында жикчил жана жикчил күн тартибин алдыга жылдыруу аракетин улантканына көңүл буруп: «Дагы бир жолу кайталайбыз: ПКК/ЙПГ жана анын жикчил террордук күн тартибинин Сириянын келечегинде орду жок»,-деп айтты.