Кытайда жаратылыш газ жарылды

Кытайдын Ляонин провинциясында жаратылыш газынын жарылуусунан  кеминде 3 адам каза болду.

Жергиликтүү маалымат каражаттары провинциянын борбору Синьян шаарындагы ресторанда болгон жарылуудан 30дан ашуун  адамдын жаракат алганын жазышты.

Эрте менен болгон жарылууда  ресторан жайгашкан 3 кабаттуу имарат катуу жабыркаган.

Куткаруу иштери үчүн окуя болгон жерге 100дөн ашуун өрт өчүргүчтүн жөнөтүлгөнү, окуяны иликтөө ишинин уланып жатканы билдирилди.