ЕБне мүчө өлкөлөр пандемия башталгандан бери 40 миң мигрантты артка түрткөн

Жаңы түрдөгү коронавирустун (Ковид-19) эпидемиясынын учурунда Европа Биримдигине (ЕБ) мүчө өлкөлөр тарабынан жок дегенде 40 миң иммигрант артка кайтарылса, 2 миң мигрант каза болду.

Британиялык The Guardian гезити ЕБ өлкөлөрүнүн иммигранттарга болгон мамилесин кылдат иликтеген анализ баяндамасын жарыялады.

Билдирүүгө ылайык, эпидемия мезгилинде кеминде 40 миң мигранттын чек арадан өтүүсүнө жол бербөө үчүн мыйзамсыз ыкмалар колдонулган.

Кармоо учурунда куугунтуктоодон кыйноого чейин көптөгөн адамкерчиликсиз ыкмалар колдонулган.

Иммигранттарды сабап, жылаңачтап издешти, деңиздин ортосунда калтырышты; алардын акчалары жана буюмдары конфискацияланды.

Мыйзамсыз ыкмаларга байланыштуу 2000ден ашуун мигрант каза тапты.

Европа Бирлигинин тышкы чек арасы эң узун жайгашкан Хорватия 2020-жылы 18 миң адамды артка түрттү.

Кээ бир иммигранттар кызыл чачыратуучу боёк менен башына кресттер тартылганын айтышса, кээ бирлери Хорватиянын полициясы тарабынан камчы менен сабалып кысымга алынгандыгын айтышты.

Греция ошондой эле 2020-жылдын январь айынан бери өз жээктеринен 6230 мигрантты артка түрттү.

Артка чегинүүнүн 89 пайызында ченемсиз жана ашыкча күч колдонулган.