Ливияда 5+5 Биргелешкен аскердик комитети Мисрата-Сирте жолун миналардан тазалады
Бул тууралуу маалымат Ливиянын Президенттик Кеңешинин билдирүүсүндө орун алды.
Ливиядагы 5 + 5 Биргелешкен аскердик комитетинин Мисрата-Сирте жолун миналардан тазалоо иштери аяктагандыгы жана жолдун ачылуу астында тургандыгы белгиленди.
Ливиянын Президенттик Кеңешинин билдирүүсүндө, Президенттик кеңештин төрагасы Мухаммед аль-Менфи жана Бириккен Улуттар Уюмунун (БУУ) Ливиянын атайын өкүлү Ян Кубиштин катышуусунда Сирт шаарында өткөн 5 + 5 Биргелешкен аскер комитетинин жыйындарында, түндүктө Жээк жолунун ачылышы жана чет өлкөлүк жалданма аскерлердин өлкөнү таштап кетүү маселелери каралганы кабарланды.
Аймакта миналар тазалангандан кийин Мисрата-Сирт линиясындагы жээктеги жолду ачуу аракеттери аяктагандыгы, бардык коопсуздук пункттары түзүлүп, логистикалык иштер акыркы баскычта экени белгиленди.
БУУнун карамагында түзүлгөн 5 + 5 Биргелешкен аскер комитетинде Ливиянын мыйзамдуу өкмөтүнө караштуу Ливия армиясынан жана өлкөнүн чыгышындагы мыйзамсыз куралдуу күчтөрдүн лидери Халифа Хафтардын күчтөрүнөн бештен адамдан турган делегациялар бар.
Комитет 2020-жылдын ноябрь айында өлкөнүн чыгышын жана батышын түндүк сызык боюнча бириктирген Жээк жолун ачуу чечимин кабыл алган жана ушул алкакта Сиртени жана ушул шаарга байланышкан жолдорду февраль айында миналардан жана жардыргыч заттардан тазалоо чечими кабыл алынган.
Тектеш кабарлар
Газада менингит жана гепатит жайыла баштады
Бул тууралуу Палестинанын Саламаттыкты сактоо министрлигинен жазуу түрүндөгү маалымат берилди.
