pesilge muwapiq ozuqlinimen

hörmetlik radiyo anglighuchilar! «chünki...» namliq sehipimizning bu heptilik sanida, hem salametlikimiz, hem kelgüsi ewladlarning bixeter yémeklikke érishishige munasiwetlik bir témini tonushturimiz. témimizni «pesilge muwapiq ozuqlinimen, chünki...» déyish bilen bashlaymiz. qéni undaqta diqqitinglar sehipimizde bolsun!

**** **** ** ****

  uzun ötmushte emes, belki 20 - esirning axirqi charikige qeder, dunya nopusining köp qismi yézilarda yashaytti. asasliq kirim menbesi déhqanchiliq we charwichiliq bolghan yéza-qishlaqlarda yaki yéqin etrapida yashaydighan kishilerning yéngi köktat we méwilerge érishishi bügünki künge sélishturghanda asan idi. emma sheherler köpiyip, yézilar bosh qélishqa bashlishishgha egiship, weziyet özgirishke bashlidi. buninggha téz sürette köpiyiwatqan nopusni qoshqinimizda, déhqanchiliq mehsulatlirining eneniwi usullarning ornigha suniy ishlepchiqirilishi muqerrer halgha kelgenlikini körimiz.

biz pat pat anglap turidighan we hetta sözlirimizde ishlitidighan «nede qaldi u kona pemidurlar?» dégen söz xata emes- elwette, chünki hazir méwe we köktatlar asasen dégüdek étizlarda emes, belki parniklarda yétishtürülmekte. aptapta pishidighan we waqti kelgende andin hosuli yighilidighan, hemde yighiwélinip uzun ötmeyla istémal qilinidighan pesillik méwe we köktatlarni nahayiti az uchritidighan bolup qalduq. bu ehwalning salametlikimizge ziyanliq bolidighanliqi jehette ikki madde alahide aldinqi orunda turidu.

birinchisi, süniy muhitta östürülgen déhqanchiliq mehsulatlirining ozuqluq qimmiti töwen bolidu.

ikkinchisi, bu xil ishlepchiqirilghan yémeklik mehsulatlirida déhqanchiliq dorisi qalduqliri köp uchrap turishidu.

**************

derweqe, salametlikimiz üchün téximu éghir xeter؛ pesli ötüp ketkendin kéyin istémal qilinghan nurghun yémekliklerde bar bolghan chirishtin saqlash dorisi we ximiyelik maddilar ücheydiki paydiliq mikro organizmlargha ziyan yetküzüsh arqiliq immunitét sistémisimizni ajizlashturuwétidu. pesilide we tebiiy muhitta yétishtürülgen méwe – köktatlar bolsa, terkibidiki qimmiti yuqiri talaning molliqi bilen immunitét sistémisimiz üchün intayin muhim orunda turidu.

sözimizning axirida, tebiiy bolmighan usulda yétishtürilip, dosqinimizghiche kelgen méwe-chéwe, köktatlarning kelgüsimizge qandaq tehdit élip kélidighanliqi toghrisida qisqiche toxtilip öteyli.

süniy muhitta ishlepchiqirish, toplash, saqlash we orash qachilash qatarliq basquchlarda serp qilinghan énérgiye we su eslide kéyinki ewladlardin élinghan qerzlerdur. eger ishlepchiqirishqa we istémalgha sezgür qarimisaq, kelgüsi ewladlarning hésabidin alghan qerzlerni ornigha qoyalmaydighanliqimiz éniq. undaqta pesilge uyghun ozuqlinimen. chünki yersharimgha we salametlikimge alahide köngül bölimen déyish bilen programmizni axirlashturayli, qulaq sélip tingshighininglar üchün rexmet qayta körüshkiche aman bolghaysiler.