hakkari gilimi

hörmetlik radiyo anglighuchilar! ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «hakkari gilimi» ni tonushturimiz.

hakkari gilimining türkiyening rayonlargha xas mehsulatliri tizimlikige kirgüzülgen waqti: 16.05.2023

****** ********* ******

türkiyening iran bilen iraq chégrasi késiship ötidighan hakkari shehiri égiz taghliri we keng ketken yaylaqliri bilen dangliq. rayonda ötken esirlerdin hazirghiche baqmichiliq we déhqanchiliq bilen tirikchilik qilip kéliwatqan yerlik xelq toqumichiliq mehsulatliri bilenmu tonilidu. hakkari gélimi 2023-yili hakkari soda-sanaetchiler birleshmisining iltimasi bilen türkiyening rayonlargha xas tizimgha élinghan mehsulatliri qatarigha kirgüzülgen idi.

sheherge qarashliq nehiyelerge köre bir biridin perqlinidighan hakkari gilemliride tik, yantu we merkiziy terkibler asasliq orunda turidu. neqish nusqida her xil güller, bolupmu etirgül, qush, képinek we haywanlarning shekilliri orun alidu. hakkari gilemliri adette gilem wekaridor gilimi süpitide ishlitilgendin bashqa yene, tam zinniti we kariwat yapquch, at we tögining éger yopuqi süpitidimu ishlepchiqirilidu. neqishlerning maslishishi we simmétrikliki sewebidin ustun maharet telep qilidighan hakkari gilemlirini toqushta, adette kichik charwilarning yungida teyyarlanghan yung yip we kök boyaq qatarliq rengler ishlitilidu. gilemler yaghachtin yasalghan gilem toqush üskinisi arqiliq ayallar teripidin qolda toqulidu. chongluqi 3 tin 5 kiwadrat métirghiche kélidu. hakkari gilemliri rengliri, neqishliri we nusqiliri bilen bir-biridin perqlinip turidu. kempüt bézek, qiriq etirgül, maslashturulghan gümbez... qatarliq hemmining diqqitini tartidighan özgiche isimliq 15 türi bar.

hörmetlik radiyo anglighuchi qérindashlar! yuqirida türkiyening rayonlargha xas tizimgha élinghan mehsulatliri namliq pirogrammimizni anglidinglar. köngül qoyup tingshighininglar üchün rexmet!