adana kawipi

türkiyediki ashxanilarda eng köp pishurulighan we istémal qilinidighan taamlardin birining «adana kawipi» ikenlikini bilemsiz?

adana kawipi türk ashxanilirining eng dangliq taamlirining biri bolup, türkiyening jenubidiki adana shehirining nami bilen tonulghan. dangqi türkiyedin halqip ketken bu kawap, bügünki künde nurghun döletlerde yaqturup istémal qilinidu.

erebchidin türkchege kirgen «kawap» ibarisi, «qachida yaki otta susiz pishurulidighan gösh» dégen menini bildüridu.

adananing merkizige jaylashqan chuqorowa rayonida uzundin buyan kawap qilinidu. buningdin texminen 4000 yil ilgiriki dewrge ait bezi arxéologiyelik bayqashlarda körsitilishiche, eyni waqitta bu rayonda zix kawipi qilinghan. bügünki kündiki adana kawipi bolsa 19-esirning kéyinki yérimida, adananing tarixiy «qazanchilar baziri» da otturigha chiqqan.

adana kawipini bashqa kawaplardin perqlendüridighan eng roshen alahidilik bolsa ishlitilidighan göshtur. adana kawipi özige xas  ösümlüklerge ige rayon yaylaqlirida béqilidighan qochqar göshidin qilinidu. eger gösh qochqarning bolmisa, kawapning temi lezzetlik bolmaydu. adana kawipida ishlitilidighan gösh adanagha xas bolghan nahayiti ittik pichaq bilen toghrilinidu. toghralghan göshke paqlanning quyruq yéghi, qizilmuch we tuz ilawe qilinidu, bashqa tétitqular ishlitilmeydu. toghralghan gösh zixtin ötküzülüp, otun otida pishurulidu. adana kawipi hemishe sir derixi ezmisi bilen piyaz qoshulghan salat we yéshil salat bilen bille istémal qilinidu.

oxshimighan rayonlargha keng tarqalghan adana kawipi, alahidilikining qoghdap qélinishi üchün, türkiye patént qanuni we tawar markisi idarisi teripidin «rayongha xas taam» teriqiside tizimgha élinghan.