süniy eqil qollaydighan yéngi senet éqimi - ganizm

gerche süniy eqil her küni turmushimizda téxnologiyelik yéngiliqlarni élip kéliwatqan bolsimu, emma qanuniy jehettin nurghun gumanlarnimu tughdurmaqta. bu gumanlardin birini yéngi senet éqimi - ganizm we bu arqiliq barliqqa kéliwatqan yéngiliqlarning kimge tewe bolushi mesilisi teshkil qilidu.

1600-yillarda «hésablash mashinisi» ijad qilinish bilen bashlanghan bu yéngiliq basquchi kompiyutér bilen intérnétning bir gewdilishishi netijiside eqliy iqtidarliq üskünilerge aylandi. mana mushundaq halqiliq basquchta süniy eqil otturigha chiqti. kompiyutér arqiliq hésablash iqtidari süpitide barliqqa kelgen süniy eqil téxnologiyesi her sahedikige oxshashla senet sahesigimu bir qatar yéngiliqlarni élip keldi. shuning bilen, senet dunyasida yéngi éqim – ganizm bashlandi.

senetkarlar süniy eqildin paydilinip nurghun yéngiliqlarni keship qilalaydu. bu yéngiliqlarning perde arqisida bolsa chongqur öginish saheside ishlitilidighan süniy eqilge tayinip hésablash usuli - «gan (< Generative Adversarial Network> GAN)» téxnologiyesi yatidu.

biraq, gan téxnologiyesi arqiliq otturigha chiqqan yéngiliqlargha kimning igidarchiliq qilidighanliqi mesilisi qanun dunyasining kün tertipidin orun almaqta.

süniy eqil türlük yéngiliqlarni barliqqa keltürüwatqan bolsimu, emma bu yéngiliqlarning qaysi sanliq melumatlarni ishlitish, qaysi algorizmlar (pirogramma tilliridiki melum meqsetni ishqa ashurun üchün pirogramma tillirining qaidilirige uyghun halda éntayin éniq tertipler bilen layihilengen qedem-basquchlar) netijiside otturigha chiqqanliqini shu yéngiliqni ijad qilghan ademmu bilmeydu.

süniy eqilning qarangghu teripi - qara quta

insanlar sezgü ezaliri arqiliq tashqi dunyani qandaq hés qilsa we ögense, süniy eqilmu mashina öginishi arqiliq  shundaq hés qilidu we öginidu. bu arqiliq birdin artuq senetkarning eserlirini ishlitip yéngi bir eserni yaritalaydu. bashqiche éytqanda, süniy eqil eserning menbesini xireleshtürmekte .

eserler senetkargha aitmu, yumshaq détal layiheligüchige aitmu? yaki ammigha aitmu?

süniy eqil ishlepchiqarghan mehsulatlar senetkargha tewemu? yumshaq détal layiheligüchige tewemu? yaki ammigha tewemu? qanun dunyasi bu soalgha jawab izdimekte. hazirgha qeder, her bir dölet oxshimighan hel qilish charilirini tapti. mesilen, süniy eqil ishlepchiqarghan mehsulatlarni amérikaning qanun sistémisida qoghdighili bolmaydu, deydighan qarash bar.

bu heqte engliyening qarishi mundaq:  süniy eqil  ishlepchiqarghan bir mehsulatning igidarchiliq hoquqi shu  mehsulatni  ishlepchiqirish dawamida süniy eqil yumshaq détalini ishletken we bu jeryangha töhpe qoshqan kishi yaki kishilerge tewe.

yawropadiki ehwal sel oxshimaydu. yawropa ittipaqi komitétining bu heqtiki doklatlirigha qarighanda, bu mesilini qanun - belgilime arqiliq hel qilish zörür.

türkiyemu süniy eqil téxnologiyesige yéqindin köngül bölüwatqan döletlerning biri.

 jumhur reislik mehkimisi reqemlik özgertish ishxanisining süniy eqilgha bolghan köz qarishi intayin ijabiy bolup, süniy eqil jemiyetning ayrilmas bir qismi, dep qaraydu.

türk qanunshunaslar «arilashma xizmet» teklipini otturigha qoydi

arilashma xizmet «hem süniy eqil teripidin ijad qilinghan, hem senetkarning pikriy mehsuli bolghan eserler» dégen uqumni bildüridu.

süniy eqil qanuniy jehettin qarangghu terepliri bar bolghan bir sahe hésablinidu. qanun chiqirish apparatliri buni tézdin bir terep qilishni oylisimu, emma süniy eqil téximu téz sürette özini tereqqiy qildurmaqta.