kutahya kahishi

ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, « kütahya kahishi» ni tonushturimiz.

kütahya kahishining türkiyening rayonlargha xas mehsulatliri tizimlikige kirgüzülgen waqti: 25.04.2005

****** ********* ******

  türkiyening ege déngizi rayonigha jaylashqan tarixiy kütahya shehiri bézekchilik senitining intayin alahide ülgisi bolghan kahishliri bilen dangliq. shöhriti türkiyening chégrasidin halqighan «kütahya kahishi» 2005 - yili kütahya tikküchiler, fotograf we qol hünerwenchilik sodigerliri uyushmisining iltimasi bilen türkiyening rayonlargha xas tizimgha élinghan mehsulatliri qatarigha kirgüzülgen idi.

kahish lay, kawlin, kwarts we hak téshi qatarliq anorganik maddilarni muwapiq nisbette arilashturup izish, qurutush, shekilge kirgüzüsh we andin muwapiq issiliqta pishurush bilen hazirlinidu. bu aq renglik mehsulat süzük yaki renglik sir bilen sirlinip, ikkinchi qétim qayta pishurush bilen teyyarlinidu. andin tam bézeshte ishlitilidighan kahish, texse, qacha we ushshaq-chüshshek buyumlardin ibaret xatire buyumlirining sheklige kirgüzülidu.

kahish senitining emgek we maharet telep qilidighan nurghun sahesi bar. bolupmu neqishlerni motif bilimlirige ige ustilar we maharetlik qollar teyyarlaydu.  kütahya kahishlirida ishlitilgen neqishler pikir mulkiyet hoquqi hemmige ochuq bolghan türk medeniyetining muhim terkibiy qismi hésablinidu. lale, niluper, qizilgül, yapraq chéchek, sumbul we bashqa nurghun gül neqishliri kahish endizisining ul téshi hésablinidu. uyghurlardin künimizgiche yétip kelgen texminen ming yilgha yéqin tarixqa ige kahish ishlepchiqirish seniti anadoluda seljuqiylar döliti we osmanli impériyeside eng yuqiri pellisige yetken idi. shunga, konya, siwas, qeyseri, malatya we erzurum qatarliq nurghun olturaq rayon merkezliride mewjut bolghan we hazirmu mewjutluqini saqlap kelgen tarixiy imaretlerdin bashqa yene, bursa, edirne, istanbuldiki chong we tarixiy jamelerning kütahya kahishliri bilen bézelgenlikini körimiz.