türkiyening qayta hasil bolidighan énérgiye ishlepchiqirishi rékort yaratti
mahmut gürer teripidin teyyarlanghan «énérgiye dunyasi» namliq sehipimizning bu heptilik sanida, türkiyening qayta hasil bolidighan énérgiye ishlepchiqirishining rékort yaratqanliqi toghrisida toxtilip ötimiz. qéni undaqta diqqitinglar sehipimizde bolsun!
2138665
türkiyening qayta hasil bolidighan énérgiye ishlepchiqirishi rékort yaratti
türkiye awazi radiyosi: qayta hasil bolidighan énérgiye menbelirining yer shari tok ishlepchiqirishdiki nisbiti 2023-yili tunji qétim 30% tin ashti. türkiye éléktir énérgiyesining %42 ini bu menbelerdin ishlepchiqirish arqiliq dunyaning otturiche sewiyesidin éship ketti.
tok éhtiyajini qandurush türidiki ishlepchiqirish süriti eng téz tereqqiy qilghan menbe, qayta hasil bolidighan énérgiye menbesi boldi. bu jehette quyash bilen shamal éghir salmaqni igiligen bolup, 2023-yili dunya miqyasidiki tok ishlepchiqirishning %7.8 ini shamal énérgiyesi, %5.5 ni quyash énérgiyesi igilidi.
ötken yili quyash énérgiyesining ishlitilish nisbiti %23.2 éship, yilliq tok ishlepchiqirish miqdari eng köp menbe boldi hemde quyash énérgiyesi sélinmiliri uda 19 yildin buyan dunya miqyasidiki éshish süriti eng téz tok menbesi bolup qaldi...
shamal énérgiyesidin tok ishlepchiqriishmu 2023- yili 2022-yiligha sélishturghanda, yer shari miqyasida %9.8 ashti.
kilimat özgirishi yer sharining tok ishlepchiqirishigha biwasite tesir körsetti. hidro éléktir bayliqining igiligen nisbiti aldinqi yilgha sélishturghanda %2 töwenlep, %14.3 chüshüp qaldi. shundaq qilip, qayta hasil bolidighan énérgiyening yer sharining tok ishlepchiqirishidiki omumiy nisbiti tunji qétim %30 tin éship ketti.
qayta hasil bolidighan énérgiye menbelirining ishlitilishining rékort sewiyeside örlishige egiship, karbon qoyup bérish miqdaridimu rékort sewiyede töwenlidi؛ yer shari tok ishlepchiqirishidiki karbon töt oksid zichliqi körünerlik derijide aziyip, 2007-yildiki eng yuqiri körsetküchke sélishturghanda, %12 töwenlidi.
kömür we tebiiy gazning yer shari tok ishlepchiqirishtiki nisbiti bultur ayrim-ayrim halda %35.4 we %22.5 boldi. 2023-yili kömürdin tok chiqirish nisbiti %1.4, tebiiy gazdin tok ishlepchiqirish miqdari %0.8 ashti.
türkiyediki quyash énérgiyesi we shamal énérgiyesidin tok ishlepchiqirish nisbiti yershari sanliq melumatliridinmu yuqiri boldi؛ türkiye éléktir énérgiyesining %42 tini qayta hasil bolidighan menbelerdin ishlepchiqirish arqiliq dunyaning otturiche sewiyesidin éship ketti. türkiyening éléktir énérgiyesining %6 i quyash énérgiyesidin, %10 i shamal énérgiyesidin kelgen bolup, su éléktiri yenila %20 lik eng chong qayta hasil bolidighan tok menbesi bolup qaldi.
