achliqta diqqitimizni yighish teske toxtaydu

hörmetlik radiyo anglighuchilar! «chünki...» namliq programmimizning bu heptilik sanida, pisxologiyede arqa körünüsh munasiwiti dep atilidighan endize heqqide toxtilimiz. gerche bu téxnikiliq atalghudek qilsimu, emma bu munasiwet kündilik turmushimizda daim tejribe qilip turidighan nurghun ehwallarni körsitidu. shunga biz bularning aldinqi qataridiki misalliridin birni tallap, pirogrammimizni «achliqta diqqitimizni yighish teske toxtaydu, chünki» déyish bilen bashlaymiz.

qéni undaqta diqqitinglar programmimizda bolsun!

**** ****** ***** ****

gérman tilida «shekil» menisini bildüridighan «géshtalt» uqumi pisxologiyede tonush jeryanini chüshendüridighan nezeriyege isim qilinghan bolup, géshtalt usuligha asasen tashqi dunya, yeni réalliq sahesi bu saheni teshkil qilidighan böleklerdin musteqil bir pütünlükke igidur. gerche «omumiy qismi؛ uning yighindisidin köptur» dégen söz bilen tilgha élinsimu, emma géshtalt nezeriyesi emeliyette buni qollimaydu. géshtalt pisxologlirining tekitlimekchi bolghini؛ insan eqlining deslepte bir pütünni tonuydighanliqi, andin bu bir pütün ichidiki böleklerni bir-birlep perqlendüridighanliqidur.

géshtalt nezeriyesi insanlarning tonushini chüshendürüsh üchün arqa körünüsh yaki figura weyaki shekil we yer munasiwiti dep atilidighan bir prinsipni otturigha qoyidu. buninggha asaslanghanda insanlar jisimlarni choqum bir arqa körünüshte tonuydu. normalda körünüshlük sahening diqqitimizni jelp qilidighan qismini shekil, qalghan qismini yer dep hés qilishqa mayilmiz. némining shekil we némining yer bolidighanliqi bolsa, tashqi dunyadiki ghidiqlashning öz alahidilikidin emes, belki bizning tonushimizning xizmet prinsipidin kilidu. bu ehwalda, bir kishi shekil dep qarighan nerse yene bir kishi üchün yer hésablinalaydu. yaki oxshash bir kishige nisbeten körünüsh bilen figura waqitning ötüshige egiship ornini almashturalaydu.

****** ** *** ****** ******** ****

arqa körünüsh we figura munasiwiti öz nöwitide yene, ijtimaiy psixologiyede, insanlarning éhtiyajining aldinqi tertipini belgileshte qollinilghan bir modéldur. bu lewhe süpitide chéchilip turghan bolidu. bu murekkep körünüsh bir arqa körünüsh hasil qilidu. bizning aldinqi qatardiki éhtiyajimiz éniq figura süpitide otturigha chiqidu. zihnimiz andin arqa körünüshni emes, belki figurani tallaydu. eger bu éhtiyaj qandurulmisa, bizning arqa körünüshtiki bashqa éhtiyajlargha diqqitimizni merkezleshtürishimiz tes, hetta bezi ehwallarda mumkin emes halgha kélip qalidu.

sözimizning béshidiki misalgha qaytip kelsek, achliq fizikiliq bir éhtiyaj süpitide figuragha aylanghanda, arqa körünüshtiki bashqa éléméntlarni körünmeydighan halgha keltüridu. shunglashqa mektipimizde yaki xizmet hayatimizda ach qalghanda muzakire qilinidighan témigha merkezlishelishimiz teske toxtaydu. amérikaliq pisxolog abraham maslowning meshhur éhtiyaj nezeriyisimu mushu usulni asas qilghan. maslowning qarishiche, ozuqlinish we nepeslinish qatarliq fiziologiyilik éhtiyajlar éhtiyaj pirimadasining asasi hésablinidu. andin ret boyiche bixeterlik, tewelik, izzet-hörmet we özini emeliyleshtürüsh basquchliri kélidu. bir basquchtiki éhtiyajni qanduralmighan insan téximu yuqiri basquchlardiki éhtiyajni qandurushqa yüzlinelmeydu.

hörmetlik radiyo anglighuchilar! programma guruppa ezayimiz nurettin chetin we alper beshege wakaleten, men diktor kamiljan kashgheriy hemminglargha xushalliq shundaqla uchur we bilimge tolghan künlerni tileymen. xeyr xosh!