qurban héytinglargha mubarek bolsun

türkiye awazi radiyosi: bügün musulmanlar dunyasi qurban héytni tebrikleydu. qurban héyt ibrahim eleyhissalamgha oghlining ornigha qurbanliq qilishi üchün allah teripidin köktin chüshürülgen qochqarning qurbanliq qilinishi bilen, insaniyet tarixigha kirdi. musulmanlar üchün éytqanda, allahning rizasigha érishish üchün qurbanliq qilish enenisi muhim ehmiyetke ige. halal pul bilen sétiwélinghan qurbanliq bügün gunahlar epu qilinidu dégen étiqad bilen qilinidu. xalighanlar héytning ikkinchi we üchinchi künliridimu qurbanliq qilsa bolidu. qurbanliq göshining üchtin bir qismi aile ezaliri üchün élip qélinghandin kéyin, yene üchtin bir qismi méhmanlargha ikram qilinidu. qalghan üchtin bir qismi qurbanliq qilalmighanlargha tarqitilidu. héytta, hemmidin burun chonglarni yoqlash muhim hésablinidu. kichik balilar héytta xushalliqqa chömülidu.

pütkül dunyada bizning könglimizni yérim qiliwatqan urushlarning, nepret we öchmenliklerning qurban héyt munasiwiti bilen axirlishishini tilep, qurban héytni yene bir qétim tebrikleymiz. qurban héytinglar mubarek bolsun...