yötelning aldini alidighan ösümlük chayliri

(doktor mehmet uchar)

yötelning aldini alidighan ösümlük chayliri töwendikiche:

• yéngi yaki quruq béhi yopurmiqi

quruq béhi yopurmiqini 10-15 minut, yéngi béhi yopurmiqini 3-5 minut qaynitip, künde 2-3 istakan ichsingiz bolidu. eger dawalash meqsitide ichiwatqan bolsingiz, shéker qoshmang.

• alma chéyi

alma posti, lipa we 2 istakan suni qayniting. andin qowzaq darchin bilen yérim limonni arilashturup, qiziq péti iching.

• gülsurux chéyi

gülsurux bilen bir istakan su qaynitip, ichige zenjiwil sélip, qiziq péti istémal qiling.

• échinaséye chéyi

échinaséye ösümlüki asasliqi zukam, bash aghriqi we soghuq tégip qélish qatarliq késelliklerning aldini élishta ishlitilishi tewsiye qilinidu. her küni échinaséyeni demlep, bir bal qoshuqi hesel qoshup, 2 istakan ichsingiz bolidu.

• béhi, hesel we lipa

bu arilashmadin teyyarlanghan chay yötelning aldini élishta eng ésil arilashmilarning biri. béhi, hesel we lipadin terkib tapqan chay kékirdekni yumshitip, yötelni peseytidu. künige 2-3 istakan istémal qilsingiz bolidu.

• hesellik chöl reyhini chéyi

ikki qehwe qoshuqi inchike toghralghan chöl reyhining üstige 1 istakan qaynaq su quyup, üsti yépiq halette 5 minut demlinidu. andin süzülüp, hesel arilashturup ichilidu.

• zenjiwil, hesel we qelempur

1 qoshuq hesel, 1 chay qoshuqi talqan zenjiwil we 1 chay qoshuqi qelempurni arilashturup, istémal qilsingiz bolidu. eger xalisingiz, bu arilashmigha limon qoshup, künde 1-2 bal qoshuqi ichsingiz bolidu.

• zenjiwillik darchin chéyi

3 halqa yéngi zenjiwil, 8 qowzaq darchin, 8 tal qelempur, 1 limon, 1.5 litir su , 1 qoshuq hesel. heseldin bashqa matériyallarni sugha tashlap, qayniting. andin bu arilashmigha hesel qoshup istémal qilsingiz bolidu.

• talqan qarimuch we hesel

yötelge qarshi talqan qarimuchning méwisini demlep, gharghara qilsingiz bolidu. buningdin bashqa yene, qarimuchni soqmastin ilman suda demlep, 1 bal qoshuqi hesel qoshup ichsingiz bolidu. lékin, eger sizde hezim qilish sistémisi qalaymiqanlishish, ashqazan yallughi we ashqazan yarisi qatarliq késellikler bolsa, bu chayni cheklik istémal qilishingiz kérek. saghlamliq mesilisi bolmighan kishiler künige 2-3 qoshuqqiche istémal qilsa bolidu.

• yéshil chay we lachindane

yéshil chayni gharghara süpitide ishletsingiz bolidu. lachindane ilawe qilinghan yéshil chayni künde 2-3 istakan istémal qilsingiz bolidu. emma sizde yuqiri qan bésim yaki yürek qan tomur késelliki bolsa, künige 2 istakandin artuq istémal qilmang.

• béhi chéyi

1 istakan sugha 1 chay qoshuqi parchilanghan béhi uruqini 1 istakan suning ichide 5-10 minut demligendin kéyin, ichsingiz bolidu. ösümlük chayliri adette yénik derijide ünümlük bolghachqa, tamaqtin 30 minut burun yaki 1-2 saet ach qorsaqqa ichish, chayning  ünümini ashuridu.

• zenjiwil, qarimuch, hesel, limon, darchin

1 qoshuq hesel, 1 chay qoshuqi talqan zenjiwil, 1 chay qoshuqi talqan qarimuch , 1 chay qoshuqi talqan darchin we yérim limon arilashturup, tamaq waqtida künde 2-3 qoshuq istémal qilsa, yötelning ghidiqlash ünümini töwenletkili bolidu.

• chüchükbuya, qibre, zenjiwil

1 bal qoshuqi soqulghan chüchükbuya, 1 bal qoshuqi qibre we 1 bal qoshuqi talqan zenjiwilni 1  istakan qaynaq sugha ilawe qilip, 3-5 minut demleng. kündüzi bu chaydin 2-3 istakan istémal qilsingiz bolidu.

• lipa chéyi

yötelge qarshi künde 2-3 istakan lipa chéyi ichsingiz bolidu. dawalashqa ishlitilidighan lipa chéyigha shéker qoshmang.

• chöl yalpuzi

hem kékirdekni yumshitidu, hem gal aghriqni peseytidu. ösümlük chay süpitide istémal qilinidighan chöl yalpuzini gharghara süpitidimu ishlitishke bolidu.

ösümlük arilashmisi we ösümlük chaylirining muhim alahidilikliri

bezi ösümlük chaylirini demlep ichishke bolidu, bezilirini qaynitip ichish kérek. bu ikki xil usul bir-birige oxshimaydu.

• ösümlüklerning ghol, qowzaq - post, yiltiz qatarliq qisimlirini qaynitip teyyarlash we otturiche waqti 30 minut bolushi kérek.

• ösümlüklerning yopurmaq, gül qatarliq qisimlirini bolsa demlep teyyarlash, pishurush waqti 5-20 minut etrapida bolushi kérek.

• her bir ösümlükning chéyi bolmaydu. ösümlük alahidilikliri choqum issiq sugha chidamliq bolushi kérek.

• ösümlük chayliri dawalash meqsitide ishlitilgende, shéker qoshmasliq kérek. shéker chaydiki aktip terkibler bilen eks tesirpeyda qilidu. heselni bolsa 40 giradustin töwen témpératurida ilawe qilish kérek.

• ösümlük chaylirining alahidiliklirini jari qilduralishi üchün, ularni ach qorsaqqa istémal qilishingiz, tamaqtin 30 minut burun yaki 1-2 saet kéyin ichishke diqqet qilishingiz kérek.

• chay teyyarlash basquchida yéngi su ishliting. bolmisa, sudiki minéral maddilarning özgirishige egiship, chayning süpiti tesirge uchraydu.

• öchushchan terkiblik chaylar üchün aghzi bar piyalilerni ishliting.  ösümlük qisimliri soqulghan chaghda, oksigén bilen uchrishishqa mayil bolghachqa, ünüm jehettin özgirishchan alahidilikke ige. shunga, aghzi bar qachilarda saqlang.