jigerni may qaplash késellikini tebiiy dawalash usulliri

(doktor mehmet uchar)

jigerni may qaplash, jiger hüjeyriliride artuqche may ​​yighilish netijiside körülidighan késelliktur.

• béliq istémalini ashurush kérek

jigerni yagh qaplishining aldini élish üchün, terkibide oméga- 3 bolghan may terkibi töwen we yaghsiz béliqlarni istémal qilish kérek.

• yawropa kerepshisi – limon sherbiti

yawropa kerepshisi sherbiti teyyarlash usuli mundaq؛ 15-16 tal yawropa kerepshisi  gholi bilen birlikte méwe sherbiti chiqirish mashnisigha sélinidu. üstige ikki qoshuq limon süyi we yérim istakandin köprek su ilawe qilinidu. 2 minut méwe sherbiti chiqirish mashnisida ézilidu. künde bir qétim nashtidin 15 minut burun hemmisi ichilidu. 15 kün mushu boyiche istémal qilinghandin kéyin, istémal qilish 5 kün toxtitilidu. andin tekrar 15 kün qayta istémal  qilinidu.

• qehwe

haraq ichmeydighan jigirini  may qaplash késilige giriptar bolghanlarda élip bérilghan tetqiqatlarda, az qehwe ichken yaki héch ichmigenlerge qarighanda, künige ikki yaki uningdin artuq qehwe ichkenlikini bildürgenlerning jigirining téximu az ziyangha uchrighanliqi körülgen. derweqe, künde bir istakan qehwe may qaplap ketken jigerge paydiliqtur.

• chüchükbuya

haraq ichmeydighan jigirini  may qaplash késilige giriptar bolghanlargha paydiliqtur. shundaqla, haraq ichish netijiside jiger késilige giriptar bolghanlar, chüchükbuya istémal qilish arqiliq jigirining buzulushidiin saqlinishi mumkin. bezi kishiler chüchükbuya istémal qilishqa téximu sezgür bolushi mumkin. shunga, uni éhtiyat bilen ishlitish kérek.

• limon

yérim limonni bir istakan sugha siqip, bu ichimlikni uda birqanche hepte künde 2-3 qétim ichip bérish, jigerni may qaplash késellikige paydiliqtur.

• pérséye neshpüti we maymun shaptuli

her heptide tertiplik pérséye neshpüti istémal qilghanda, jigerni may qaplashning aldini alghili bolidu. jigerge paydiliq pérséye neshpütini kündüzi melum ariliqta istémal qilishqa bolidu. maymun shaptulimu jigerge paydiliq bir méwidur.

• alma sirkisi

bir istakan ilman sugha bir qoshuq tebiiy alma sirkisini qoshup, tamaqtin burun, künde ikki qétim ichishning ünümi yuqiri. eger xalisingiz, bir qoshuq hesel qoshup ichsingizmu bolidu. bu usulning ishqa yarishi üchün, bu usulni choqum 1-2 ay tertiplik dawamlashturushingiz kérek.

• zerchiwe

1 chay qoshuqi zerchiwe talqinini bir istakan suda qaynitip, künde ikki qétim uda bir nechche hepte ichsingiz bolidu.

 • mamkap

bir istakan qiziq sugha 1 hesel qoshuqi qurutulghan mamkapni sélip, 5-10 minut qaynatqandin kéyin, iching. bu ösümlük chayni uda bir nechche hepte ichishingiz kérek. lékin, hamildar yaki diyabit bimarliri mamkaptin yiraq turushi kérek.

• yéshil chay

her küni tertiplik halda 2-3 istakan yéshil chay ichip bérish, haraqqa xumar bolup qalmighan jigerdiki may qaplash késellikige paydiliqtur.

• köktatlar

jigerni may qaplighan ehwal astida, köktat, méwe qatarliq talaliq yémekliklerni istémal qilish miqdarini ashurush, künige kem dégende 5 texse köktat we méwe istémal qilish kérek.

biryussél kapustisi, piyaz, küde, okra, kawa, palek, turup, chong yopurmaqliq qizilcha, argula, purchaq, gülkerem qatarliq köktatlarning tala miqdari yuqiri bolghachqa choqum istémal qilish kérek.

bolupmu tatliq zenjiwil we kerepshe qatarliq jigerge paydiliq yémekliklerni muhim uzuqluqlar tizimlikige kirgüzüsh kérek. tatliq zenjiwilning eng muhim alahidiliki, jigerni tazilap, öt suyuqluqining asan éqishigha kapaletlik qilishidur.

• samsaq

xam samsaq jigerni qoghdash xususiyitige ige bolup, jigirini may qaplash késilige giriptar bolghanlarning jiger saghlamliqini yaxshilaydu. xam samsaq yéyish arqiliq jiger rakining aldini alghili bolidu.

• zenjiwil we zerchiwe

bular jigerni may qaplash késilige giriptar bolghan kishilerde jigerdiki yarini azaytip, xoléstérin, qandiki qent we yallughni töwenlitidu.

• kümüsh örük

jigerni may qaplash késelliklirini dawalashta shipaliq ösümlük toluqlimisi hésablinidu.

• ademgiyah

jigerning buzulushidin saqlinishta yardemchi bolushi mumkin. lékin, dorilar bilen birlikte istémal qilghanda, ademgiyahning  eks tesir qozghash xewpi bardur.

• chéniqish

jigirini may qaplighan kishiler daim méngip bérishi we chéniqishi kérek. her küni tertiplik méngip bergende, jigerni may qaplashning aldini alghili bolidu.

• xuxa

haraqni köp ichish we öt menbelik jiger qétishish sewebidin jigerni may qaplash késilige giriptar bolghan kishilerge paydiliqtur.

• belizgül

her küni ikki qétim belizgül chéyi ichip bérish arqiliq  mayliq jigerdin qutulalaysiz. belizgül chéyi daim istémal qilinsa, ünümi téximu yaxshi bolidu, hemde mushu tiptiki késelliklernimu bir terep qilidu.

• haraq ichmeng

haraq toluq menidin éytqanda jigerning düshminidur. haraq jigerge köp ziyan yetküzidu؛ jümlidin, may qaplap kétishni keltürüp chiqiridu, hemde jiger hüjeyrilirini öltüridu. buning netijiside, haraq jigerge eslige keltürgili bolmaydighan ziyanlarni élip kélidu.

• tebiiy yémeklikler

jigerning yükini yéniklitish üchün, tebiiy yémekliklerni istémal qilish, imkanqeder xuruchlardin yiraq tutush kérek.

• yangaq, orman yangiqi qatarliq mayliq uruqlarni daim istémal qilish kérek.