dimagh pütüp qélishni tebiiy dawalash usulliri

( doktor mehmet uchar)  

turmush süpitige passip tesir körsitidighan amillar arisida shek - shübhisiz halda dimagh pütüp qélish kélidu. derweqe, dimagh pütüp qélish süpetlik uyqugha tosqunluq qilidighan we nepeslinishni qiyinlashturidighan amildur.

undaqta, dimagh pütüp qélishning sewebi néme?

dimagh pütüp qélishni dawalash üchün, aldi bilen sewebini éniqlap chiqish kérek. eng köp uchraydighan sewebler töwendikiche:

• soghuq tégip qélish,

• pesil xaraktérlik özgirishler,

• ot - chöp qizitmisi,

• haraq,

• sezgürlükler,

• dora – dermanliq tamaqlar,

hormon xaraktérlik özgirishler,

• burunda yat jisim peyda bolup qélish,

• yuqiri qan bésim,

• tarqilishchan zukam,

• sozulma xaraktérlik ziqqa,

• sinus yallughi,

hamildarliq,

• burun poli,

• uyqusizliq,

• qalqansiman bez késellikliri.

dimagh pütüp qélishni tebiiy dawalash usulliri töwendikiche:

zenjiwil chéyi

zenjiwil shilliq perdining suyuqluqini ashurup, burun yolini échishqa yardem béridu. 2 istakan suni qaynitip, uninggha 2 qoshuq zenjiwil talqini séling. uni 10 minut demligendin kéyin, süzüng. uningdin bir istakan iching. qalghinida qizitqandin kéyin, löngge, daka yaki paxtini chilap, burningizning üstige qoyung.

alma sirkisi

alma sirkisi, shilimshiq suyuqluqni népiz qilip, baktériyening ösüshini tosidu. 1 qoshuq hesel we 1 qoshuq alma sirkisini bir istakan ilman sugha ilawe qilip, arilashturung. bu arilashmini ichish arqiliq dimagh pütüp qélishning aldini alalaysiz.

pinne uchushchan méyi

pinnimu dimagh pütüp qélishqa paydiliq yémekliklerning biri. kündüzliri yaqingizgha 2 tamche pinne uchushchan méyi témitish arqiliq dimagh pütüp qélishning aldini alalaysiz.

burunni uwulash

uwulash, toghra qollinilghanda qan aylinishni tézlitidu. bir qoshuq pinne uchushchan méyi we zeytun yéghini qiziting. barmiqingizning uchi bilen burun we qashni uwulang. burningizning eng üstünki qismigha yan tereplerdin bésim ishliting. bu esnada, aghzingizdin nepes éling.

hor munchisi

dimagh pütüp qélishni  tebiiy dawalash usulliridin biri, hor monchisidur. qaynaqsugha bir nechche tamche ppinne uchushchan méyi, éwkalipt derixi uchushchan méyi we belizgül qatarliq aram aldurghuchi ösümlüklerni ilawe qilip, purisingiz bolidu. derweqe, bu usul arqiliq dimagh pütüp qélishni bir terep qilalaysiz.

piyaz purash

bir nechche tilim piyazni élip, 4 – 5 minut purang, shundaq qilsingiz, burningizning échilghanliqini hés qilisiz.

dimagh pütüp qélishni ammibab shekilde dawalash usuli

birinchi qedem:

tilingizning uchini éghizingizning  ichki qismining eng égiz yérigiche tegküzüng.

ikkinchi qedem:

ottura barmiqingiz bilen körsetküch barmiqingizni birleshtürüp, qéshingizning del otturisidin bir aldigha we bir keynige heriketlendürüng.

1-we 2-basquchlarni 20 sékunt boyiche dawamlashturung.

axirida, nepsingizni tutung. burningizni tosup,  béshini biraz arqigha yöleng. biaramliq hés qilghiningizda barmiqingizni tarting.

 dimagh pütüp qélishni dawalashta ünümi yuqiri bashqa tebiiy dawalash usulliri töwendikiche:

• zenjiwil, pinne qatarliq ösümlük chayliri dimagh pütüp qélishni dawalashqa yardem béridu.

• tamaka chékish dimagh pütüp qélishni keltürüp chiqiridu. shunga, tamaka chékishni toxtiting.

• tuz süyi dimagh pütüp qélishni dawalashning eng ünümlük usulliridin biri. shunga, déngizda su üzüsh, yaki déngiz - okyan suliri bilen burunni chayqash usuli arqiliq dimagh pütüp qélishtin qutulalaysiz.

• suni köp ichish burun shilliq perdisining nemlikini saqlashqa yardem béridu.

• hawa tengshigüchlük yaki issiq muhitlarda hawa qurghaqlishidu. öyge soghuq par mashinisi yaki qaynaqsu qoyush, radiyator közneklirining üstige höl löngge qoyush arqiliq öyning hawasining nemlikini saqlap qalghili bolidu.

• eger dimagh pütüp qélish sezgürlüktin kélip chiqqan bolsa, gül chéngi mezgilliride ishik - dériziliringizni taqaq tutung.

• shamal we qurghaq künlerde sirtqa chiqmasliqqa diqqet qiling.

• issiq muncha arqiliq kanay we bediningizni boshashturalaysiz.

• issiq suda yuyunush arqiliq bediningizni  boshashturung.

• yatqan chaghda burun ishshiqi köpiyidu. bu ehwal süpetlik uxliyalmasliq we etigen tereplerde harduqi chiqmighan halette oyghinishni keltürüp chiqiridu. buning aldini élish üchün, kéchisi uxlighan chaghda égiz yastuq ishlitish kérek.

 yene bir muhim nuqta shuki: dimagh pütüp qélish bir xil késellik alamitidur. shunga,  buning asasliq seweblirini tépip chiqip, dawalinish kérek. eger dimagh pütüp qélishtin bashqa alametler körülse, eng qisqa waqit ichide doxturgha körününg.