p k k - peshmerge toqunushi süriyenimu ichige tartmaqta
küntertip we analiz
p k k - peshmerge toqunushi süriyenimu ichige tartmaqta
küntertip we analiz (78)
(jan ajun)
hörmetlik radiyo anglighuchilar! «küntertip we analiz» namliq pirogrammimizning bügünki bölümide siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «p k k - peshmerge toqunushi süriyenimu ichige tartmaqta» témiliq analizni diqqitinglargha sunimiz.
**** **** ** **** * *****
türkiyening iraqning shimalidiki barghanche küchiyiwatqan herbiy herikitidin kéyinki peshmerge- p k k toqunushi pat-pat dawamliship, terepler otturisidiki küch talishish kürishi süriyegiche kéngiyishke bashlidi. p y d/ y p g ning atalmish rehberlirining k d p ni nishan qilghan bayanatliri bilen birge k d p rehberlirimu p y d/ y p g ning térrorluq teshkilati ikenlikini we p k k ning süriyediki qurulmisi ikenlikini tekitlep jawap qayturmaqta. emdilikte bolsa, fishabur / semalke chégra éghizi taqaldi. p y d/ y p g ning erbil wekilliri qolgha élindi. K24 ning süriyediki, yeni térorluq teshkilati p k k rayonidiki ish béjirish ishxaniliri taqiwétildi.
türkiye iraqning shimalidiki p k k térorluq teshkilatigha qarshi bashlighan chong herbiy heriketlirini dawamlashturmaqta. türkiye döletlik istixbarat teshkilatimu nuqtiliq heriketliri arqiliq térrorluq teshkilatning atalmish yuqiri derijilikliri we meydan qomandanlirini ujuqturushni dawamlashturmaqta. türkiyening künséri küchiyiwatqan herbiy bésimigha peshmergeningmu arqa sep teminati bilen yardem qilishi arqiliq bu teshkilat kontrol qiliwatqan rayonlirida yétim qaldurulup, istratégiyilik xalta kochigha mubtila qilinmaqta. mewjutluq xewipige patqan térrorluq teshkilati alaqzadilik ichide kontrolsiz heriketlerni qilip, peshmerge qisimlirigha hujum qilmaqta. bir tereptin p k k rehberliri k d p ni hujum nishani qilghan éghir bayanatlarni élan qilsa, yene bir tereptin p k k ni qollaydighan kurd jamaetchiliki we alaqidar ammiwi teshkilatlar siyasiy amillarni seperwer qilish arqiliq k d p gha bésim muhiti yaritishqa urunmaqta. axirida yawropada teshkillengen unsurlar rayongha kélip, p k k gha janliq qalqan bolup bérish üchün heriket qilmaqta. emma iraq kurt rayonluq hökümiti bu unsurlarni yéraqlashturush (chégradin qoghlap chiqirish) arqiliq meghlubiyetke duchar qilmaqta.
k d p bilen térorluq teshkilati p k k otturisida élip bériliwatqan bu küch talishish kürishi süriyenimu ichige tartidighan weziyette turmaqta. deslepte y p g térrorchiliri chégra liniyesidiki peshmerge qarawulxanisigha hujum qilip qarawulxanining kontirolluqi qisqa muddetlik alqinigha kirgüzüwalghan idi. andin yene k d p gha yéqin bolghan kurd milliy kéngishi (ENKS) ning ishxanisi we ish béjirish orunlirigha ot qoyup bergen bolup, buning arqisida p k k yashlar teshkilatining barliqi ashkarilanghan idi. lékin emdiliklte bolsa, toqunush we küch talishish künséri keskinlishiwatqan bir peytte, ikki rayonni biwasite tutashturidighan fishabur / semalka chégra éghizi taqiwétildi. buningdin bashqa yene, p y d/ y p g ning kurd rayunluq hökümitidiki wekilliri erbilda qolgha élinip türmige tashlandi. p y d/ y p g mu buninggha qarita kurd rayunluq hökümitining axbarat orgini K24 ning ishxanilirini taqap, xewerchilik paaliyetlirini tosush arqiliq jawap qayturdi. undin bashqa yene, kamishli we eynel ereb qatarliq rayonlarda térorluq teshkilati p k k ni qollaydighan we k d p ni eyibleydighan nurghun kichik namayishlarni teshkillidi.
peshmerge bilen térorluq teshkilati p k k otturisidiki toqunush we küch talishiish kürishige p y d/ y p g ning süriyede qatnashqanliqi we arilishishi eslidinla térrorluq teshkilati p k k ning süriyediki qurulmisi ikenlikini ochuq ashkara namayan qildi. kurd rayunluq hökümiti we k d p mu p k k gha qarshi kürishining süriyenimu öz ichige élishi kéreklikini yene bir qétim körgen boldi. iraq kurd rayunluq hökümiti ichidiki ajizliqlardin paydilinip goya rak késilidek rayongha tarqalghan térrorluq teshkilatigha qarshi k d p rehberlik qatlimining türkiye qoralliq qisimlirining herbiy heriketlirini we teshkilatqa bolghan bésimni purset dep bilishi kérekliki namayan bolmaqta. k d p we peshmerge emdilikte téximu emeliy usulda biwaste herbiy heriketlerge qatnishish arqiliq tarixiy pursetni ching tutup, türkiyeni qollap quwwetlawatqan we bu térorluq teshkilatidin qutulush üchün tarixi ehmiyetke ige nahayiti yaxshi bir pursetke érishken weziyette turmaqta. eger bu pursettin paydilanmaydiken, ular dawamliq térorluq teshkilatigha duch kélip, bedel töleshke mejbur bolushni dawamlashturidu.
