hamas bu qétim 14 israiliye eskirini ujuqturghanliqini élan qildi

türkiye awazi radiyosi xewiri: elqassam birigadisining ijtimaiy taratqu hésabida élan qilinghan yazma bayanatida, ghezzening jenubidiki xan yunus rayonida 14 israiliye eskirining yéqin ariliqtin ujuqturulghanliqi we nurghunlighan israiliye eskerlirining yarilanghanliqi bildürüldi.  

bayanatta , israiliye herbiy transiport aptomobilining zembirek oqi bilen, 3  israiliye tankisining bolsa, yasin -105 tipliq bashqurulidighan bomba bilen pachaqlap tashlanghanliqi, emel mehellisige qonghan srailiye tik uchar ayropilanidiki eskerlergimu küchlük zerbe bergenliki  uqturuldi.

israiliye armiyesi bu toghrisida téxiche héchqandaq bayanat élan qilmidi.

elqassam birigadisi ijtimaiy alaqe torida oxshash hujumgha alaqidar buningdin ilgiriki bayanatida, xan yunes rayonida yéqin ariliqtin 5 israiliye eskirining ujuqturulghanliqini we nurghun israiliye eskirining yarilanghanliqini élan qilghan idi.

israiliyening 7 - öktebirdin buyan ghezzege qiliwatqan wehshiyane hujumliri jeryanida az dégende 14 ming 500 kichik bala we 9 ming 560 ayalni qoshqanda, jemiy 33 ming 137 pelestin puqrasi shéhit qilindi we  75 ming 815 pelestinlik yaridar qilindi. xarabilik astida hazirmu minglighan kishining jesiti bar bolup, xelq panahliniwatqan doxturxana, maarip orunliri we puqralarning ul esliheliri israiliye teripidin qesten weyran qilinmaqta.

israiliye armiyesining ghezzege wehshiyane hujumliri bashlanghan 7 - öktebirdin buyan  600 eskirining ölgenlikini, bulardin 256 nepirining quruqluqtin hujum qilish jeryanida ujuqturulghanliqini élan qilghan idi.