kosowo parlaménti türkiye bilen imzalanghan «herbiy ramka kélishimi»ni maqullidi

türkiye awazi radiyosi xewiri: kosowo yéza igilik, ormanchiliq we yéza-qishlarni tereqqiy qildurush ishliri ministiri faton pechi parlaméntita dölet mudapie ministiri éjup makédonchigha wakaliten  kélishimni tonushturup, uning bashqa bir qatar mesililer bilen birlikte, tinchliq saqlash, insanperwerlik we térorluqqa qarshi turush qatarliq sahelerdiki hemkarliqlarni öz ichige alidighanliqini otturigha qoydi.

pechi parlamént ezalirini kélishimning maqullinishi üchün bélet tashlashqa chaqirip: «bu kélishim töwendiki sahelerdiki hemkarliqlarni mezmun qilidu: herbiy meshiq, sanaet we mudapie, herbiy istixbarattin teng behrimen bolush, herbiy doxturluq, térrorluqqa qarshi turush we insanperwerlik herikiti qatarliqlar. bu kélishimning xelqara kélishimler qanunidiki belgilimiler boyiche ijra qilinishi üchün, qanun layihesining awazgha qoyulushini telep qilimen» dédi.

120 kishilik parlaméntta bélet tashlashqa qoyulghan kélishim, hakimiyet béshidiki we öktichi partiyelerning 85 parlamént ezasining maqulluq bildürüp bélet tashlishi bilen testiqlandi.

türkiye bilen kosowa otturisidiki «herbiy ramka kélishimi», 29-yanwar enqerede türkiye jumhuriyiti dölet mudapie ministiri yashar güler bilen kosowo dölet mudapie ministiri éjup makédonchi teripidin imzalanghanidi.