amérika uyghur mejburiy emgiki qanuni ramkisida 26 shirketning mallirini cheklidi
amérika hökümiti uyghurlarni öz ichige alghan milletler mejburiy emgekke sélinghanliqi üchün, 26 xitay shirkitining mehsulatlirini cheklidi.
türkiye awazi radiyosi xewiri: amérika ichki ishlar ministirliqi bayanat élan qilip, «uyghur mejburiy emgkining aldini élish qanuni» (UFLPA) ramkisida yene, 26 xitay toqumchiliq shirkitining émbargo tizimlikige élinghanliqini bildürdi.
bayanatta, 17-maydin tartip mezkur shirketler ishlepchiqarghan mallarning amérikagha kirishining cheklinidighanliqi eskertildi.
bayanatta mundaq déyildi:
«bu tedbirler, amérikaning teminlesh zenjiride mejburiy emgekni yoqitish we uyghur aptonom rayonida uyghurlar bilen bashqa dingha étiqad qilidighan milletlerge qarshi dawamlishiwatqan irqiy qirghinchiliq hemde insaniyetke qarshi jinayetlerni sürüshte qilishni ilgiri sürüshning bir qismi süpitide yolgha qoyulmaqta.»
«uyghur mejburiy emgkining aldini élish qanuni» 2021-yilning axirida resmiy qanungha aylanghandin buyan cheklengen shirketler tizimlikige 65 shirketning kirgüzülgenliki qeyt qilinghan bayanatta, mezkur shirketlerning kiyim-kéchek, yéza igiliki, plastik, ximiyelik madda, batariye, aile éléktir üsküniliri, aile eshyaliri we yémek-ichmek tétitquliri qatarliq sanaet sahelirige chétilidighanliqi bildürüldi.
