rusiye: engliyening mudapie ishlirigha mesul diplomati chégradin qoghlap chiqirilidu

türkiye awazi radiyosi xewiri: rusiye tashqi ishlar ministirliqi yazma bayanat élan qilip, engliyening moskwada turushluq elchixanisi wekilining ministirliqqa chaqirilghanliqi uqturdi.

engliye emeldarlirining 8-maydiki rusiyege qarshi chiqarghan qarari tenqid qilinghan bayanatta: «rusiyening londondiki elchixanisining mudapie ishlirigha mesul diplomatigha qarshi asassizla chiqirilghan düshmenlerche qarar sewebidin diplomatik wekilge küchlük naraziliq ultimatomi tapshuruldi» dégen ibarilerge orun bérildi.

bu qedemlerning ikki dölet munasiwitige «eslige keltürgili bolmaydighan ziyanlar»ni salghanliqi tekitlengen bayanatta: «(engliye elchixanisi) wekilige <bizning bu qedemni roshen rusiye düshmenlikini arqa körünüsh qilghan siyasiy meqsetlik heriket> dep qaraydighanliqimizni tekitliduq>miz. engliye terepning 8-may rusiyege qarshi élan qilghan düshmenlerche herikitige qayturidighan inkasimiz buning bilen axirlashmaydu. mesilini ulghaytishni bashlighanlar buningdin kéyinki öch élish qedemliri heqqide waqiplandurulidu» dégen ibarilerge orun bérildi.

engliye tashqi ishlar, ichki ishlar we mudapie wezirlikliri 8-may birleshme bayanat élan qilip, rusiyening <yaman niyetlik istixbarat (dölet bixeterlik) paaliyetliri bilen shughullanghanliqini, bu sewebtin rusiyening mudapie ishlirigha mesul diplomatining chégradin qoghlap chiqirilidighanliqini, rusiyege qarashliq bezi mal-mülüklerning diplomatik salahiyitining bikar qilinidighanliqini uqturghan hemde rusiyening diplomatik wiza mudditige cheklime qoyulidighanliqini qeyt qilghanidi.