hamas israiliyening doxturxanilargha qiliwatqan hujumliri heqqide bayanat élan qildi
pelestin qarshiliq körsitish teshkilati hamas israiliyening 7-öktebir (2023) din buyan qiliwatqan hujumlirida, ghezze rayonidiki doxturxanilarni hujum nishani qilishining « xelqqe qarshi yoqitish urushi qiliwatqanliqining ispati» ikenlikini bildürdi.
türkiye awazi radiyosi xewiri: hamasning yazma bayanatida, israiliyening ghezzening jenubidiki xan yunus shehirige jaylashqan emel doxturxanisi we nasir doxturxanisigha qilghan hujumlirigha naraziliq bildürdi.
bayanatta, «israiliye emel doxturxanisi we nasir doxturxanisigha hujum qilmaqta. ghezzediki sehiye sistémisi we doxturxanilargha qarita fashistlarche hujumlarni dawamlashturmaqta» déyildi.
bayanatta, israiliyening shifa doxturxanisida sadir qilghan jinayetlirinimu dawamlashturuwatqanliqi tekitlendi.
bayanatta: «bu ehwal israiliyening ghezze rayonidiki barliq yashash imkaniyetlirini, bolupmu doxturxanilarni yoqitish arqiliq kishilerni öz zéminidin qoghlimaqchi boluwatqanliqini, xelqimizge qarshi yoqitish urushi élip bériwatqanliqini ispatlaydu» déyildi.
israiliyening barliq xelqaraliq kélishimlerge we xelqaraliq qanunlargha xilapliq qilghanliqi eskertilip: «dunyaning közi aldida xelqimizge qarita ötküzülüwatqan bu jinayetlerge qarshi héchkim heriketke ötmeywatidu» déyildi.
israiliye armiyesining shifa doxturxanisigha 18-martta qilghan hujumida, 170 tin artuq pelestinlikning shéhit qilinghanliqi uqturulghan idi.
