esed qisimliri bilen chetellik térrorluq guruppiliri birlikte idlibqa hujum qildi
süriye qisimliri bilen iranning qollishi astidiki chetellik térrorluq guruppiliri birlikte idlib sheher merkizige qilghan hujumida 4 puqrani yardar qildi.
türkiye awazi radiyosi xewiri: idlibning sherqidiki saraqib nahiyeside turushluq esed qisimliri we iranning qollishi astidiki chetellik térrorluq guruppiliri birlikte idlibning sheher merkizige quruqluqtin étilidighan zembirekler bilen hujum qildi.
xelqni mudapie qilish etriti menbeliridin igilengen uchurlargha asaslanghanda, hujumda yarilanghan 4 puqra doxturxanida balnéstqa élinghan.
türkiye, rosiye we iran 2017-yildiki astane yighinida, süriye hökümitining kontrolluqida bolmighan rayonlarda töt «jiddichilikni peseytish rayoni» qurushni qarar qilghan idi. lékin demeshiq hökümiti we iranning qollishi astidiki chetellik térrorluq guruppiliri bilen rusiye hujumlirini dawamlashturup, mezkur 4 rayonning 3 ini qolgha chüshürgendin kéyin emdilikte idlibqa yüzlendi.
gerche türkiye 2018-yili 9-ayda rusiye bilen urush toxtitishni kücheytish toghrisida qoshumche kélishim hasil qilghan bolsimu, emma hujum 2019 - yili mayda yene kücheydi.
türkiye bilen rusiyening 2020-yili 5-martta hasil qilghan yéngi kélishimidin kéyin, urush toxtitish asasen küchke ige qilinghan idi.
2017-yilidin 2020 – yilighiche dawamlashqan hujumlardin qéchip chiqqan texminen 2 milyon süriye puqrasi türkiye chégrasigha yéqin rayonlargha köchüshke mejbur boldi.
