yaponiyede yoqap ketken herbiy tik ucharni izdesh xizmiti dawamlashmaqta
yaponiyening gherbiy jenubida radardin ghayib bolghan herbiy tik uchar we uning xadimlirini izdesh xizmiti dawamlashmaqta.
türkiye awazi radiyosi xewiri: yaponiye dölet mudapie wazaritining bildürüshiche, tünügün kechte okinawa ölkisining jenubida radardin ghayib bolghan we ichide 10 adem bar quruqluq armiye mudapie qisimlirigha ait tik uchar ayropilanni izdesh xizmiti dawamlashmaqta iken.
bayanatta tekitlinishiche, mezkur tik ucharning qutquzush paraxoti, eynek ramkisi we qaniti qatarliq bir qisim zapchasliri tépilghan.
mölcherlinishiche, yaponiye quruqluq armiyesi mudapie qisimlirining kumamoto ölkisidiki takayubaru herbiy bazisigha tewe «UH-60JA» tipliq köp iqtidarliq tik uchar ayropilanda qozghalghandin kéyinla téxnikiliq kashila körülgen.
bu herbiy tik uchar ayropilanning tünügün shu jay waqti 16:30 etrapida okinawa ölkisining miyakojima ariligha yéqin jayda radar bilen bolghan alaqisi üzülüp qalghanidi.
bu tik ucharda 2 uchquchi, 2 téxnik xadim we 6 ayropilan xadimi qatarliq 10 kishi bar idi.
