kim jongun armiyege urush teyyarliqini kücheytishni buyridi
shimaliy koréye rehbiri kim jongun armiyege urush meshiqini ashurush we urush teyyarliqini kücheytish heqqide buyruq chüshürdi.
türkiye awazi radiyosi xewiri: shimaliy koréye xewer agéntliqi (KCNA) ning bildürishiche, kim jongun tünügün (6-féwral) hakimiyet béshidiki shimaliy koréye ishchilar partiyesining merkiziy herbiy komitéti yighinigha riyasetchilik qilghan we armiyedin herbiy teyyarliqni ashurushni telep qilghan.
komitét ezaliri yighinda, herbiy heriket we manéwirni üzlüksiz kéngeytish, ashurush we urushqa teyyar weziyetni kücheytish qatarliq mesililerni muzakire qilghan.
shimaliy koréye qurulghanliqining 75 - yilliqini tebriklesh paaliyitining ete (8-féwral) paytext piyongyangda ötküzülüshi mölcherlenmekte.
shimaliy koréye tashqi ishlar ministirliqi aldinqi hepte amérikaning jenubiy koréye bilen bolghan herbiy manéwirini kücheytkenlikining rayondiki jiddiychilikni ashurghanliqini ilgiri sürüp, her qandaq qisqa muddetlik yaki uzun muddetlik tehditke «ezgüchi yadro küch» bilen jawab qayturushqa teyyar ikenlikini bildürgen idi.
