boliwiyede ichki qalaymiqanchiliq yüz berdi

türkiye awazi radiyosi xewiri: boliwiye paytexti sukréning bezi rayonlirida namayishchilar otturisida toqunushlar yüz berdi. saqchilar namayishchilargha yash aqquzush bombisi étip tarqitiwetmekchi boldi. yüz bergen weqeler jeryanida tutulghanlarning barliqi bildürüldi.

éwo moralés twittérda bayanat élan qilip, hökümetke qarshi öktichilerning sépige ötken saqchilarning, sukré we él alto sheherliride namayish qilghan hökümet qollighuchilirigha rast oq chiqarghanliqini bildürdi.

boliwiye taratquliridiki xewerlerde körsitilishiche, éwo moralés armiyening telipi boyiche 10-noyabir kechte wezipisidin istépa bérishi bilen teng, bulang-talang qilish we ot qoyush weqeliri yüz bergen. sukréning jenubidiki bir gerezhde 60 tin artuq aptobusqa ot qoyup bérilgen, bezi shirketler bulang-talanggha uchrighan yaki ot qoyup bérilgen.

tünügün (11-noyabir) sukréda kündilik turmush palech ehwalgha chüshüp qélish nuqtisigha yetken. nurghun shirket we magézinlar échilmighan. bezi mekteplerde oqughuchilar dem élishqa qoyup bérilgen. bezi mehelle ahaliliri kochilargha tosuq qoyup, özliri turushluq rayonlarni qoghdashqa tirishqan.

boliwiye öktichiliri saylam ötküzidighan waqitliq hökümetning qurulushi üchün xizmetlerni ishlimekte. bu musapide, waqitliq hökümet pirézidéntliqini üstige élishi kütülüwatqan kéngesh palatasining öktichi muawin bashliqi jénayné anéz (Jeanine Anez) boliwiye qanun chiqirish parlaméntida bayanat élan qildi.

u «xelqning yéngi pirézidént» telep qilidighanliqini bildürüp, 22-yanwar (2020) boliwiyening yéngi pirézidéntqa érishidighanliqini qeyt qildi.

boliwiyening tunji yerlik pirézidénti éwo moralés ötken ay (öktebir) ötküzülgen saylamdin kéyin bashlanghan we zorawanliqlargha aylanghan namayishlarning tesiride armiyening chaqiriqi bilen hoquqidin istépa bergen idi.