yemende xoléra sewebidin jiddiy halet élan qilindi
yemende husiylar kontrol qiliwatqan rayonlarda keng tarqalghan xoléra késilining aldini élish üchün jiddiy halet élan qilindi.
türkiye awazi radiyosi xewiri: husiylar bashquruwatqan «saba agéntliqi» ning xewiride bildürülishiche, teshkil qilinghan hökümette sehiye ministirliqi wezipisini ötewatqan taha elmutewekkil, kontrol astida turuwatqan rayonlarda tarqiliwatqan xoléra késilini tizginlesh üchün jiddiy halet élan qilinghanliqini éytqan.
husiylar 6-aprél (shenbe) xoléraning tarqilishini tizginlesh üchün sanaadiki barliq mekteplerdiki ashxanilarni taqashni uqturghan.
yemende, bolupmu husiylar kontrol qiliwatqan rayonlardiki rayonlarda xoléra késili tarqalmaqta iken.
b d t balilar fondi we dunya sehiye teshkilatining yazma bayanatida, bu yil (2019) ning béshidin bashlap yemende xoléra bilen yuqumlinish ehwallirining téz sürette köpeygenliki, 17-martqiche 109 ming kishining xoléra bilen yuqumlanghanliqi, 190 kishining yuqumluq xoléra késili sewebidin jénidin ayrilghanliqi doklat qilinghan idi.
