د کینیا د پوځ د لوی درستیز چورلکې سقوط کړی

په کینیا کې د پوځ لوی درستیز فرانسیس اوګولا  د چورلکې د سقوط له امله لوی درستیز او ۱۰ تنو پوځیانو ژوند د لاسه ورکړی دی.

د کینیا د ولسمشرۍ د رسنیو دفتر له خوا په خپره شوې خبرپاڼه کې ويل شوي دي چې په دغه پيښه کې د پوځ  لوى درستيز اوګولا او لس تنو پوځيانو ژوند  د لاسه ورکړی او دوه تنه پوځيان ټپيان شوي دي .

د کینیا ولسمشر ویلیم روټو په یوه خبري کنفرانس کې وویل چې چورلکې له الوتنې لږ وروسته سقوط وکړ او ټینګار یې وکړ چې دوی پدې پیښه کې د پوځ د مشر او نورو پوځیانو د مرګ له امله ډیر زیات خواشیني دي.

روتو وویل چې پیښه پرون په ځایی وخت د ماسپخین په ۲ بجو او ۲۰ دقیقو رامنځته شوه.

روټو وویل چې هوایی ځواک د پیښې ځای ته د هوایی تحقیقاتو ټیم لیږلی ترڅو د پیښې علت معلوم کړي.

ولسمشر روټو اعلان وکړ چې د دې پیښې له امله په ټول هیواد کې درې ورځې ملي ماتم اعلان شوی دی.