ترکیې د والیبال ښځینه ملي لوبډلې په اولمپیاتو کې خپله لومړنۍ سیالي وګټله
ترکیې والیبال ملي لوبډلې د توکیو ۲۰۲۰ اولمپیاتو د سیالۍ په لوبو کې چین ته ۳ د صفر په مقابل کې ماتې ورکړه
د ترکیې د والیبال ښځینه ملي لوبډلې د توکیو ۲۰۲۰ د اولمپیاتو د اتلولیو د سیالیو په چوکاټ کې د چین د والیبال لوبډلې ته ۳ د صفر په وړاندې ماتې ورکړه.
د هیواد ولسمشر رجب طیب اردوغان د والیبال د ملي لوبډلې کپټانې ایدا ایردم ته د بري له امله مبارکي وویله.
ولسمشر اردوغان د ترکیې د ځوانانو او سپورت وزیر محمد محرم قصاب اوغلو له طریقه چې د توکیو په اولمپیاتو کې د ترکیې د لوبغاړو سیالۍ د نږدې نه تعقیبوي د والیبال د ملي لوبډلې کپټانې ایدا ایردم سره ټیلیفوني خبرې وکړې. ولسمشر اردوغان د ایدا ایردم سره په ټیلیفوني خبرو کې ددې خبرې په ټینګار وویل چې ډیره هیجاني لوبه وه. د لومړي میدان نه مو لوبه ننداره کړه . خپلو ټولو لورګانو ته مې مبارکي وایم . راتلوونکې لوبه چې د سې شنبه په ورځ ایټالیا سره کیږي هغه به هم ننداره کړم.
د ویلو ده چې د ترکیې د والیبال ښځینه الف ملي لوبډلې د توکیو ۲۰۲۰ اولمپیاتو په سیالیو کې په ب ډله کې خپله لومړنۍ لوبه د چین د هیواد نه چې د تیر کال قهرماني هم لري وګټله. چین ته درې د صفر په مقابل کې ماتې ورکړه.
راتلوونکې لوبه د جولای په ۲۷ مه نيټه د سې شنبې پر ورځ د ایټالیا سره ده.
اړوند خبرونه
د تورکیې ملي وزن پورته کوونکي معمر شاهین د سرو زرو مډال ترلاسه.
د تورکیې ملي وزن پورته کوونکي معمر شاهین د سرو زرو مډال ترلاسه.
