په ایران کې د په دوو غبرګو چاودنو کې د مړو شمیره ۱۰۳ تنو ته لوړه شوه
د ایران په کرمان ولایت کې د قاسم سلیماني قبر ته څېرمه په دوو چاودنو کې تر اوسه پورې ۱۰۳ تنو خپل ژوند له لاسه ورکړ.
د ایران په کرمان ولایت کې د قاسم سلیماني قبر ته څېرمه په دوو چاودنو کې تر اوسه پورې ۱۰۳ تنو خپل ژوند له لاسه ورکړ.
د ایران د دولتي ټلویزیون د خبر له مخې، د قاسم سلیماني د قبر په ۷۰۰ مترۍ او یو کیلومترۍ کې دوه چاودنې رامنځته شوې. ویل کیږي لومړۍ چاودنه د سلیماني د قبر په ۷۰۰ مترۍ کې او دویمه بیا په یو کیلومترۍ کې رامنځته شوه. دا چاودنې پداسې حال کې رامنځته کیږي چې د ایران د سپاه پاسداران د قدس د پياوړي قوماندان جنرال قاسم سلیماني د مرګ څلورم تلین لمانځل کیده. د کرمان ګلزار د شهیدانو په هدیره چیرته چې د سلیماني د تلین مراسم جوړ شوي وو په لسګونو زرو تنو ګډون کړی وو.
د لومړنیو موندنو له مخې دا دوه چاودنې چې د شاوخوا لسو دقیقو په توپیر سره رامنځته شوې ، له امله يي تر اوسه پورې ۱۰۳ تنو ژوند دلاسه ورکړی او او ۱۴۱ تنه نور ټپیان شوي دي.
ویل کیږي دویمه چاودنه د قاسم سلیماني هدیرې ته په غځیدلې سړک کې د تالاشۍ او پلټنو په نقطه کې شوې ده .
د ایران دولتي ټلویزیون اعلان وکړ چې دا چاودنې یو ترهګریز برید وو.
ددې د بریدونو مسئولیت تر اوسه پورې چا په غاړه ندی اخیستی.
د ویلو ده چې اسرائیلو یوه اونۍ مخکې په سوریه کې د سپاه پاسداران د ځواکونو په یو مرکز د برید سره د سپاه پاسداران یو ډیر غښتلی او مهم قوماندان او سلاکار رضا موسوي وواژه . رضا موسوي د جنرال قاسم سلیماني د ډیرو نږدې ملګرو او همسنګرانو څخه وو. همداشان اسرائیلو تیره شپه د لبنان په پلازمینه بیروت کې د ایران پلوي د حماس د ډلې د مهمو مشرانو په یو دفتر برید وکړ چې په نتیجه کې د حماس د سیاسي دفتر مرستیال صالح العاروري په ګډون ګڼشمیر کسان ووژل.
