د پاکستان د پنجاب ایالت د صادق آباد  په سیمه  کې  درنده  چاودنه شوې.

د پاکستان د جیو نیوز د خبر له مخې  چاودنه  په صادق آباد سیمه کې په یو بانک کې شوې ده چې د چاودنې له امله  د بانک ودانۍ په کامله توګه  له منځه تللې ده .

د لومړنیو معلوماتو له مخې پدې پیښه کې ۲۰ تنه ټپیان شوي دي.

د چاودنې نه وروسته  سمدلاسه  پولیس او د ژغورنې ډلې سیمې ته راورسیدې. د ژغورنې ډلو  ټپیان  نږدې روغتونونو ته انتقال  کړي دي.

پولیسو  سیمه  د کنټرول لاندې د نیولو نه وروسته  د چاودنې په اړه  په تحقیقاتو پیل وکړ.

پولیسو ویلي دي چې  د ترسره شوو څیړونو په ترڅ کې  تر اوسه پورې د چاودنې نوعیت  ندی معلوم شوی خو ګمان کیږي چې  د ګازو د سلنډر له امله  رامنځته شوي وي.

پولیسو ویلي دي چې تحقیقات دوام لري.