په کراچۍ کې زوروره چاودنه وشوه

د پاکستان د کراچۍ ښار  د شارع فیصل په سیمه کې  زوروره چاودنه وشوه.

د ترکیې د ملي راډیو تلویزیون  خبریال  د ترکیې غږ راډیو ته  د ټیلیفون په کرښه  وویل چې  چاودنه  د سینګار د توکو په یوې فابریکه کې شوې ده .

هغه  د پولیسو له قوله ویلي دي چې  چاودنه  ډیره  زوروره  وه  او د ژغورنې ډلې او پولیس سیمې ته رسیدلي دي.

هغه ویلي دي چې  په فابریکه کې د چاودنې نه وروسته  زوروره  اورلګیدنه رامنځته شوې ده .

د کراچۍ  د اور وژنې د ادارې  مشر ویلي دي چې پدې پیښه کې یو تن مړ او دوه تنه نور ټپیان شوي دي.

د بله پلوه د سیمې پولیسو مشر خبري رسنیو ته ویلي دي چې  چاودنه  په فابریکه کې  د برښنا د شارتۍ په پایله کې د رامنځته شوي اورلګیدنې نه وروسته  شوې ده . چاودنه په فابریکه کې  د کیمیايي موادو  له امله رامنځته شوې ده . پولیسو ویلي دي چې د پيښې په اړه يي تحقیقات پیل کړي دي.