د کابل په شمال کې په یو جومات کې د جمعې د لمانځه پر مهال خونړۍ چاودنه شوې ده
د کابل په شکر درې ولسوالۍ کې په یو جومات کې د جمعې د لمانځه پر مهال چاودنه شوې چې د جومات خطیب هم پکې ژوند د لاسه ورکړی
د افغانستان د پلازمینې کابل په یو جومات کې د جمعې د لمانځه پر مهال درنده چاودنه شوې ده .
د ترلاسه شوو معلوماتو له مخې د پلازمینې کابل شمال لوري ته د شکر درې په ولسوالۍ کې په حاجي بخشي په جومات کې د جمعې د لمانځه پر مهال د جومات په محراب کې ځای په ځای شوي چاودیدونکي توکي وچاودیدل چې په نتیجه کې درنده مرګ ژوبله رامنځته کړه.
د شکر درې ولسوالۍ پولیسو خبري رسنیو ته ویلي دي چې پدې چاودنه کې د یاد شوي جومات د خطیب او امام مفتي نعمان په ګډون ۱۲ تنو ژوند د لاسه ورکړی او ۱۵ تنه نور ټپیان شوي دي.
د برید مسئولیت تر اوسه پورې هیچا په غاړه ندی اخیستی. دا برید پداسې حال کې رامنځته کیږي چې طالبانو د اختر د ورځو په مناسبت ۳ ورځې اوربند اعلان کړی دی.
د ویلو ده چې پرون هم د اختر په لومړۍ ورځ د افغانستان د کندهار او کندوز په ولایتونو کې چاودنو ګن شمیر کسانو ته مرګ ژوبله رامنځته کړې وه.
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی