په کابل او ننګرهار کې پر پولیسو خونړي بریدونه شوي
په کابل او ننګرهار کې په جلا جلا بریدونو کې لسو تنو پولیسو ته مرګ ژوبله اوښتې
د افغانستان په ختیځ ننګرهار ولایت کې پر پولیسو خونړی برید شوی دی.
طالبانو تیره شپه د ننګرهار ولایت د سره رود په ولسوالۍ کې د پولیسو پر پوستې برید کړی چې په نتیجه کې ۴ تنه پولیس مړه او ۴ تنه نور ټپیان شوي دي.
د یادې شوې ولسوالۍ سیمه ایزو امنیتي مقاماتو ویلي دي چې دا برید تیره شپه د سره رود ولسوالۍ د شمشه پور په کلي کې د غازي بابا د پولیسو پر پوستې شوی دی.
سرچینې ویلي دي چې په برید کې ۴ تنو پولیسو ژوند د لاسه ورکړی او ۴ تنه نور ټپیان شوي دي.
د بله پلوه نن د سهار په ساعتونو کې د پلازمینې کابل د پغمان په ولسوالۍ کې هم پر پولیسو وسله وال برید شوی چې په نتیجه کې یو تن مړ او یو تن بل ټپي شوی دی.
د کابل پولیسو ویلي دي چې نامعلومو وسله والو د پغمان ولسوالۍ د چوک ارغندي په سیمه کې پر پولیسو برید وکړ چې په نتیجه کې یو تن پولیس ژوند د لاسه ورکړ او بل تن ټپي شوی .
اړوند خبرونه
په افغانستان کې په تیرو دریو ورځو کې د سیلابونو له امله ۳۳ تنو خپل ژوند له لاسه ورکړی دی.
په افغانستان کې په وروستیو سیلابونو کې په لسګونو تنو ژوند د لاسه ورکړی