Эрдоган: «Качкындардын ден-соолугуна көңүл бурулбаган дүйнөдө өнүгүү болбойт»
Эрдоган Дүйнөлүк Саламаттык сактоо Уюму (ДССУ) жана Саламаттык сактоо министрлиги менен биргеликте өткөн Европа аймагынын миграция жана саламаттыкты сактоо боюнча жогорку деңгээлдеги жыйынына видео кайрылуу жөнөттү.
Президент Режеп Таййип Эрдоган, мигранттардын саламаттыгы жаатында жасала турган инвестициянын туруктуу, камтыган, шайкеш жана тең укуктуу коомдорду колдоочу күч болоорун айтып: «Качкындардын ден-соолугуна көңүл бурулбаган дүйнөдө туруктуу өнүгүү максаттарына жана жалпы ден-соолукту камтууга жетишүү мүмкүн эмес»,-деди.
Эрдоган Дүйнөлүк Саламаттык сактоо Уюму (ДССУ) жана Саламаттык сактоо министрлиги менен биргеликте өткөн Европа аймагынын миграция жана саламаттыкты сактоо боюнча жогорку деңгээлдеги жыйынына видео кайрылуусунда жаңы типтеги коронавирустун (Ковид- 19) эпидемиясы өзгөчө коомдун аялуу катмарларында өтө олуттуу өлчөмдөргө жеткенин белгилеп: «Албетте, булардын башында өз өлкөлөрүн таштап кетүүгө аргасыз болгон качкындар жана мыйзамсыз мигранттар турат. Көчүп барган өлкөлөрдө ансыз да оор шарттарда жашоого аракет кылган качкындар эпидемиядан улам экинчи планга сүрүлүп, маргиналдаштырылып, алтургай дискриминацияга дуушар болушту. Качкындардын көптөгөн өлкөлөрдө өтө чектелүү саламаттык сактоо кызматтарынын бири болгон негизги медициналык кызматтарга жетүү укугу, тилекке каршы бул процессте абдан кыскарды»,-деп айтты.
Президент Эрдоган, Түркиянын адамзат жана адамдык баалуулуктар чоң сыноодон өтүп жаткан бул оор мезгилде жарандарына камсыздаган биринчи даражадагы саламаттыкты сактоо менен бирге, колундагы бардык мүмкүнчүлүктөрдү муктаж болгондор менен бөлүшүүдөн тартынбаганын баса белгиледи.
Эпидемиянын эң азаптуу күндөрүндө Түркиядан сураган 160 өлкө жана 12 эл аралык уюмга медициналык жабдуулар жана маанилүү материалдык колдоо көрсөткөндөрүн белгилеген Эрдоган: «Өлкөбүздө кабыл алган качкындарды өз жарандарыбыздан бөлбөстөн, ар бир адамдын медициналык кызматтарга жетүүсүн камсыз кылдык. Биз Бириккен Улуттар Уюму жарыялаган «эч кимди артта калтырбоо» принцибин биринчи кундон тартып кылдаттык менен ишке ашырдык.
Бүгүнкү күнгө чейин биз сириялык боордошторубузга саламаттык сактоо мекемелеринде 96,7 миллион амбулаториялык кызмат жана 3,1 миллион стационардык дарылоо кызматын көрсөттүк. Биз ооруканаларыбызда 2,6 миллион операция жасадык. Биздин улуттук эмдөө календарыбызга ылайык, биз жалпысынан 8,7 миллион доза вакцина киргиздик.
Тил жана маданий тоскоолдуктардын эрозиясы менен негизги жана профилактикалык медициналык кызматтардын жеткиликтүүлүгүн жогорулатуу максатында тиешелүү эл аралык уюмдардын колдоосу менен 29 облустта 185 мигранттардын ден- соолук борборун ишке киргиздик. Чек арабыздын сыртында абдан оор шарттарда жашап жаткан 5 миллион эзилген сириялыктарга жардам колубузду сундук»,-деди.
Эпидемиядан эң көп жабыркаган аймактардан баштап вакцина жардамдарын берип жатышканын эске салган президент Эрдоган: «3-Түркия Африка өнөктөштүк саммитинде убада кылган жалпы 15 миллион доза вакцинаны африкалык боордошторубузга этап-этабы менен жеткирип жатабыз. Атамекендик вакцина TURKOVACга болгон талаптарды да мүмкүн болгон мүмкүнчүлүктөрдүн ичинде канааттандырууга аракет кылып жатабыз»,-деп айтты.
Эпидемия глобалдык системадагы адилетсиздиктер менен бурмалоолорду дагы бир жолу ачыкка чыгарганын көргөндөрүн билдирген Эрдоган: «Мигранттардын саламаттыгына инвестициялар ийкемдүү, инклюзивдик, гармониялуу жана тең укуктуу коомдордун колдоочу күчү болуп калат. Качкындардын ден соолугуна көңүл бурулбаган дүйнөдө туруктуу өнүгүү максаттарына жетүү жана жалпы саламаттыкты камсыздоо мүмкүн эмес.
Бүткүл Дүйнөлүк Саламаттыкты сактоо Уюмунун Европа аймагында миграция жана саламаттыкты сактоо тармагында түзүлүүгө аракет кылып жаткан жаңы иш-аракеттер планынын ишин баалуу деп эсептейм. 85 миллион баш калкалоочуга 3 жуманын ичинде 3 миллион киши кошулган климатта өткөн жолугушууңуз жаңы идеяларга жана жаңы чечим техникаларына жол ачат деп үмүттөнөм»,-деди.
