Бразилияда сел жүрүп ондогон киши каза тапты

Бразилиянын чыгышындагы Пернамбуко провинциясында катуу жааган жамгырдан улам болгон жер көчкүдө 33 киши каза болду.

Пернамбуко провинциясынын Жарандык коргонуу кызматкерлери Ресифи шаарындагы жер көчкүдөн 20 жарандын каза болгонун жарыяласа, губернаторлук апаатта жалпы каза болгондордун саны 33кө жеткенин билдирди.

Жаандан улам 500дөн ашуун кишинин эвакуацияланганы айтылды.

Пернамбуко Жарандык Коргоо Ассоциациясы калкты нөшөрлөп жааган жамгырдан улам суу каптаган аймактарга жакындабоого жана үйлөрүнөн чыкпоого чакырды.