NYT: «АКШ көптөгөн жарандарды жалган чалгындоо менен өлтүрдү»
«Нью-Йорк таймс» гезити (NYT) АКШнын Коргоо министерлигинин (Пентагон) Жакынкы Чыгыштагы иш-аракети жөнүндөгү кабарга жетти.
Американын New York Times (NYT) гезити, Америка Кошмо Штаттарынын (АКШ) жалган чалгын маалыматтарынын натыйжасында набыт кылган жарандардын саны расмий сандардан жогору экенин жазды.
«Нью-Йорк таймс» гезити (NYT) АКШнын Коргоо министерлигинин (Пентагон) Жакынкы Чыгыштагы иш-аракети жөнүндөгү кабарга жетти.
Гезит АКШ армиясынын 2014-жылдан бери аймактагы аба соккуларында каза болгон жарандардын санын азыраак билдиргенин жарыялады.
АКШнын аскерий бийликтери Ирак менен Сириядагы жалпы жарандык курмандыктардын санын 1,417 деп билдирген, бирок NYT иликтөөсү так санды бербесе да, карапайым адамдардын өлүмү андан алда канча көп экенин көрсөттү.
Изилдөөдө 2016-жылы АКШ тарабынан Сирияда ишке ашырылган кол салууда 120дан ашуун жарандын өмүрү кыйылганы, бирок аскердик булактар тарабынан 7ден 24кө чейин жарандын каза болгондугу билдирилген бир мисал келтирилди.
Кошумчалай кетсек, 2017-жылы Ирактын Мосул шаарында америкалык күчтөрдүн 4 адамдан турган үй-бүлө орун алган унааны бомбалуу унаа деп түшүнүп, «кокустан» атканы жана унаадагылар менен кошо 7 жайкын тургун каза болгону белгиленди.
