Ирактын Мусул шаарында робот - официанттар ишин баштады

Ирактын Мусул шаарында университеттин студенттери ачкан ресторанда  робот - официанттар иштей баштады.

Мусул шаарынын борборунда жакында ачылган ресторанда кызмат кыла баштаган робот -официанттар кызыгуу менен тосуп алынды.

Кардарларга буюртмадан тейлөөгө чейин бардык кызматтарды көрсөткөн роботтор 15 түрдөн турган менюну сунуштайт.

Ресторанга барган кардарлар буюртмаларын столдорго орнотулган санарип меню системасы менен ашканага жөнөтүшөт. Ашканадан тамакты алган робот - официант өзү тейлей турган столго чейин келет. Иракта биринчи жолу колдонулган робот официант кызматы кардарлардын кызыгуусун жаратууда.