Чыгыш өлкөлөрүндө Ковид-19 боюнча акыркы көрсөткүчтөр

Коронавирустун жаңы түрүнөн (Ковид-19) улам каза болгон адамдардын саны дүйнө жүзү боюнча 1 миллион 972 миң 916 болду. Жуктуруп алгандардын саны 92 миллион 127 миңден, ал эми айыккандардын саны 65 миллион 970 миңден ашты.

Индияда эпидемиядан улам көз жумган адамдардын саны 151 миң 564кө жетти. Өлкөдө ооруга чалдыккандардын саны дагы көбөйүп, 10 миллион 495 миңге жетти.

Японияда Ковид-19дун айынан каза болгондордун саны 4 миң 192ге, ал эми илдетке чалдыккандардын саны 298 миң 884кө көбөйгөн. Өлкөдөгү коронавирустун жаңы түрүнө каршы күрөшүү чегинде, 4 штатта уланган өзгөчө кырдаал тиркемесине дагы 7 штат киргизилген. Премьер-министр Суга Йошихиде: «Жыл башынан бери олуттуу кризистик кырдаал орун алды. Биз мындай чечимди метрополиялардан бүткүл өлкө боюнча жайыла электе кабыл алдык»,-деди.  Өлкөнүн калкынын дээрлик жарымы жашаган ушул 11 штатта өзгөчө кырдаал 7-февралга чейин уланат деп пландалууда.

Кытайда эпидемиянын айынан ушул күнгө чейин 4 миң 634 адам каза болуп, 87 миң 706 учур аныкталды. Акыркы сутка ичинде өлкөдө 115 жаңы учур катталды, анын 8и чет өлкөдөн келген, вирустун айынан адам өмүрүнө зыян келген жок. Өлкөдө чыккан 90 учур Хэбэйде, 16сы Хэйлунцзянда жана бирөө Шанси провинцияларында аныкталган.

Ковид-19дан улам Түштүк Кореяда каза болгондордун саны 1 миң 185ке чейин өскөн. Өлкөдө оорулардын саны 70 миң 212ге чейин көбөйгөн. Түштүк Кореяда ушул кезге чейин Англияда аныкталган Ковид-19 үлгүсүнө чалдыккан адамдардын саны 16 деп аныкталган. Бийликтер Англия үчүн жүргүнчүлөрдү ташууга тыюу салынгандыгы 21-январга чейин уланарын билдиришти.

Индонезияда ушул кезге чейин вирустан 24 миң 951 адам каза болсо, өлкөдө бул илдетке чалдыккандардын саны 858 миң 43кө жетти. Ошол эле учурда, Индонезияда Синовак Бионтех тарабынан иштелип чыккан биринчи Ковид-19 вакцинасы борбор шаар Жакартадагы Президенттик сарайда түз эфирде алгач президент Жоко Видодо, андан кийин саламаттык сактоо министри Буди Гунади Садикинге эмделди.

Малавиде ушул кезге чейин вирустун айынан 235 адам көз жумса, Ковид-19  9 миң 27 кишиден табылды. Транспорт министри Сидик Миа жана жергиликтүү өз алдынча башкаруу министри Лингсон Береканяма коронавируска байланыштуу көз жумду.

Эпидемияда 130 адам каза болгон Сомалиде, борбор шаар Могадишодо 26-ноябрдан бери биринчи жолу 3 (Ковид-19) учуру аныкталды. Өлкөдө бул илдетке чалдыккандардын саны 4 миң 726 болду.

Ливанда коронавирустук оорулардын тез көбөйүшүнүн натыйжасында, ооруканаларда орун калбай калган, кычкылтектин запасы түгөнө баштаган. Өлкөдө 10 күндүк өзгөчө кырдаал чечими кабыл алынды.

Эпидемиянын кесепетинен Иорданияда 4 миң 76 адам каза болду, оорунун саны 309 миң 846 болду. Өлкөдө коронавируска каршы алгачкы эмдөөлөр саламаттыкты сактоо кызматкерлерине жана улгайган адамдарга бериле баштады.

Израилде акыркы 24 саат ичинде дагы 66 бейтаптын өлүмү менен, Ковид-19дан каза болгондордун саны 3 миң 770ке жетти. Өлкөдө вирус аныкталган адамдардын саны 9 миң 25ке көбөйүп, 510 миң 869га жетти.

Ковид-19дан улам башка өлкөлөрдө каза болгондордун саны төмөнкүчө:

Россия (63 миң 370), Иран (56 миң 457), Түштүк Африка (34 миң 334), Ирак (12 миң 915) жана Пакистан (10 миң 772)