türkiye jumhuriyiti 100 yashqa kirdi, mubarek bolsun

türkiye awazi radiyosi: türkiye jumhuriyiti 100 yil ilgiriki bügünki künde, mustapa kamal atatürk we uning sepdashliri teripidin tewrenmes asas üstige quruldi. jumhuriyet binakarliri qetiy ishench bilen yiltizi chongqur türk xelqining maariptin senetkiche, ilim-pendin tenterbiyegiche bolghan nurghun sahede emelge ashurghan we kelgüside emelge ashurmaqchi bolghanlirining yéngi bir ewlad warislirini berpa qildi. bu bir ewlad kishiler bügünki dunyaning ortaq qimmet qarishigha töhpe qoshush arqiliq uniwérsal medeniyette izlirini qaldurmaqta. ular buningdin kéyinmu iz qaldurushni dawamlashturidu.

bu esirde özini özi qamdighan dölet bolush süpitide, pen-téxnikadin medeniyet we senetkiche, maariptin sanaetkiche bolghan sahelerde öz nishanigha yetken türkiye jumhuriyiti, yéngi nishanlargha qarap menggü ilgirileydu.

türkiyening yéngi esiri téximu küchlük bashlinidu, türk xelqi ishenchlik qedemler bilen dawamliq algha basidu, döletning dunyadiki tewrenmes ornini we ehmiyitini téximu roshenleshtüridu.

 türkiye jumhuriyiti xelqara tinchliq, ittipaqliq, tereqqiyat we ilgirileshke qoshqan zor töhpiliri bilen menggü yashaydu.

100 yashqa kirgenlikingni qizghin tebrikleymiz türkiye!