firansiye israiliyening rafahqa qilghan quruqluq hujumini eyiblidi

türkiye awazi radiyosi xewiri: firansiyening israiliyening 7 - mayda rafahqa qilghan quruqluq hujumini eyibligenliki bildürülgen bayanatta,  buning qanchilighan qétim köchüshke mejburlanghan ghezze puqraliri üchün apet xaraktérlik weziyet shekillendüridighanliqi alahide tekitlinip, «ghezzede puqralar üchün héchqandaq bixeter yer yoq» déyildi hemde  israiliye bu quruqluq hujumini axirlashturushqa chaqiriq  qilindi.

bayanatta, israiliyedin qayta muzakire yoligha qaytip kélishi telep qilindi we buning esirlerni qoyup bérish shundaqla menggülük urush toxtitishqa kapaletlik qilishning birdinbir yoli ikenliki tekitlendi.

bayanatta, firansiyening israiliyedin misir chégrasidiki rafa chégra éghizini derhal échishini telep qilghanliqi, bu éghizning rayongha insanperwerlik yardimi yetküzüshte intayin muhim ikenliki otturigha qoyuldi.

bayanatta yene, israiliyedin puqralarning bixeterlikige kapaletlik qilish üchün barliq ishlarni qilish we insanperwerlik yardimining ghezzege yétip baralishigha kapaletlik qilish telep qilindi.

firansiye qanunsiz yehudiy köchmenlerning 7 - maydimu iordaniyening insanperwerlik yardem etritige qilghan hujumni eyibligenliki bildürülgen bayanatida , israiliye dairiliridin qanunsiz yehudiy köchmenlerning zorawanliqini toxtitish telep qilindi.

bayanatta, firansiyening kerem ebu salim chégra éghizigha qilinghan hujumni eyibligenliki uqturuldi.

israiliye qisimliri 7 – may etigende rafah rayonigha quruqluq hujumi bashlap, ghezzening misirgha échiwétilgen rafa chégra  éghizining pelestin teripini ishghaliyet astigha alghanliqlirini élan qilghan idi.