srébrénitsa qirghinchiliqigha dair filim yawropa boyiche eng yaxshi mukapatqa érishti

türkiye awazi radiyosi xewiri: yawropa kino akadémiyesi teripidin uyushturulghan 34-nöwetlik yawropa kino filim mukapati murasimi bu yil kowid-19yuqumi sewebidin torda ötküzüldi.

«eng yaxshi filim» mukapatigha érishken jasimila zbanichning «Quo Vadis, Aida?» namliq filimi, murasimda ikki mukapatqa érishti.

zbanich «eng yaxshi rézhissor» mukapatigha érishti, jasna durichich «Quo Vadis , Aida» namliq filimdiki roli bilen «eng yaxshi artis» mukapatigha érishti.

rézhissor zbanich bu mukapatni srébrénitsaliq anilar we ayallardin bashqa yene, öltürülgen dadilar, xanimlar we oghullargha atighanliqini éytti.

«eng munewwer er artis» türidiki mukapatqa, «ata» namliq filimdiki roli bilen antoniy xopkins layiq körüldi. eng yaxshi sénariye mukapati «ata»  namliq qilimning sénaristliri filoriyan zéllér we kristofir xamptongha bérildi.

yingwild siwi filikka rézhissorluq qilghan «bala ninja» namliq filim «eng yaxshi komédiye» mukapatigha érishti.

murasimda,  «eng yaxshi höjjetlik filim» we «eng yaxshi karton filimi»  türide, jonas poxér rasmussén rézhissorluq qilghan «qéchish» namliq filim mukapatlandi.  

daniyelik rézhissor susan biérmu dunyada yawropa kinochiliqigha qoshqan töhpisi üchün shereplendürüldi.

yawropa kino filim mukapati «yawropaning oskar mukapati» dep qobul qilinidu.